-Tluangpuia hilthang
October thla vel atang hi chuan, khawlum lutuk pawh, a lo zia chho tan tawh a. A hmu leh neih tur hria chuan, thlasik khaw vawt tawrh pui tur. Nupui pasal neih hun atan, an hmang chho tan mek tawh a. Kan thiannu pakhat hian, naktuk chu Bilkhawthlir ah, inneih na ah kal ila. I thianpa nen lokal ula, pahnih kan ni dawn a, a ti a. Bike nei ve lem, nula phurh tur hre lo a, ka awm bik reng hi. Hmel in a zir loh chu thu hran, nula han tih kual vel dan hi, ka thiam lo hrim hrim a. Chuvang chuan, a aw sin lam hi chu, ka phur khat khawp a. Kanu dawr nghak tur ka thlah leh, ka farnu ka bazar pui hi, samsei lam pang ka phurh ve chu, an ni mai a. Chutia nula in, Mo lawmna a kal tur a min sawmna chu, pawm nghal in. Ka thianpa chu kan hrilh ve a, a ni pawh chuan, tih tur tul dang a neih loh avang in, a lo aw ve nghal a. A tuk dar sawm vel chuan, ka splendor dum ngei mai chuan, nula mo lawmna a hruai tur chuan, kan inkhalh chhuak ve ta a. Ka thawmhnaw neih that ve ber chu in bel in, mawng a hawlh ang sek mai in, ka za ruai tawh mai a. An in kan va thleng a, a thiannu nen chuan an lo awm a. A thiannu chu rin aiin a lo tha vak lo a. Ka thianpa hnen ah khan, a thiannu a hmel tha lutuk, kha ka ti sia. A hmel an hmu chu, a phur vak lo tih ka hre nghal a. Ka thianpa Bike chu kawk in, a thiannu hnen ah chuan, kha i chuanna tur. Chuang la i kal vat ang u, kan ti nghal a. Ka thianpa pawh chuan, phur vak lo chuan an phur ta a. Bilkhawthlir lam pan chuan, kan in zui thla ta a. Inneih na te kan hman zawh hnu chuan, tlai dar 4 vel ah, ruai kan theh a. Khaw thim hnu ah haw chho pui chauh ila, tiin kan nula phurh te hriat lem loh chuan, in ti zei tak chuan ruahmanna te kan siam a. An ni pawn a pawi hlei nem, boruak a nuam zawk an lo ti ve mai a. Khua a thim tan tawh, inneihna ah chuan, ka thiannu pate a chu, a car var chuan a lokal ve a. Mami keimah chauh in ka nia, a vawt awm si ka motor ah lo chuang zawk rawh u, a ti ta mai a. Kan thiante nen kan nia an tih pawn, an bul ah kan sawi mai ang a tia. Mami te hi ka bul ah lokal mai se, a vawt deuh tawh bak ah, mahni in ka ni tho a. A pawi em a rawn ti a. Ngai lo, lo tih chi ni tawh hek lo, phur lo zet chuan, a remchan hlauh chu kan ti a. A motor ah chuan, ka thiannu te thian dun chu an haw ta a.
Tum deuh bar a kan awm lai chuan, inneih na hmang a kal ve tho, nula pahnih hian. Riah kan tum a, in ruah tho chuan, in rual in kan lo haw ve leh mai dawn, a mi le, tiin min rawn dil a. Hmeltha dun lem lo mahse, ai han tih tawl pawh chu, a nalh loh chu thuhran. Kan nula hruaiten, min haw san tawh tho bawk sia. Nula tho a lawm le tiin, kan aw dun ta ringawt a. Ka thianpa nen chuan, pakhat ve ve chuan kan phur ta a. In ti zei tawk khan, ka thianpa te chu, a hma ah kan tlan tir a. Presbytery Inkhawmpui, Bairabi a hmang. Inneihna ah hian, an kal duh avang a, la cham bang, an lo ni a. Keicham kan thleng chho tep tawh tih chuan, two Wheeler a nula phurh chuan, tul hlei lo ah pawh hian, han break thut thut ila. An hnute hian, min rawn do run mai a, tih kha kan hre chhuak ta pek a. Tun hi a hman hun chiah a nih dawn hi, tih khan eng rau a maw ni kha, kan chang ta pek a. A break chu kan hmet thut a, ka nula phurh lah, cher ban ve zet mai. A awmbawr pawh, singsihlip tiah vel lek kha, a lo ni sia. A ha lam thui chi, lo ni bawk nen. A ha hmai chuan, ka hnung a do ta zawk a. Awi, i hnung na em, ka lo in ring hman lo a, an ti zui a. A ruk a, na deuh si khan, na lo kan ti a. Kan tlan zel a, a ha hmai ringawt chu, ka hnung hian, a do bik tur a ni lo, ti rilru ran chuan, na tawk in, a break chu kan kuai leh ta. Thil pawi a thleng ta, Motor lian in, oil a tih buak na lai tak, a lo nia. Chiang em em mai chuan, kan tlu ta. Ka ha chu, a lo thi nghal zawih zawih a. Ka thianpa te rawn tlan let in, min rawn buaipui a. Kan Accident na bul, keicham a dawr ah chuan, min luh pui a. Min han en vel chu, ka ha hmai pakhat hi, a lo auh a. Na chhawk nan, zu a tha tiin, kan chawlhna te chuan, an zu chu min han lei tir a. Na chhawkna tur na na chu tiin, kan tlak pap pap a. Tihdang lam in, ka lo awm ta nge, bike chu ka khalh leh thei mai a.
A tuk ah ha doctor ka va in entir a. A bung lo na a, thlasik ah, a na thin ang. Chuvang chuan, chepral ila, ha lem vuah mai rawh, min ti ta a. Aw tih mai loh chu, tih theih dang awm tawh hek lo, a chepral ta vek a. Bike a nula phurh ve, ka chak luat ah. Zei tawk a, nula awmbawr tawh ve ngei tum khan, nula ha ka hnung a, ka do hnu ah, ka ha hmai, a bal phah ta a nih chu.
Post a Comment