BUNG 2
Hluna chuan Rinzualite thian za chu alainat hle maia an hmel han en reng reng paw'n an thlabar ani tih hai rual va ni suh. In biak pawh in be mumal lo chuan an kal char chara hriat loh akarin kawtchhuah lungdawh an chuang kai ta der ma. Mah ni in lam pan in an in then darh nghala in anva thleng hlawm chuan zep thu awm tawh hek lo ania nge. Rinzuali in ava thlenga a pa ten a hmela thil dik lo inphum ru awm chu anlo hmuh hmaih aw zawng lo, mami eng thil nge thleng? eng ti ta nge i va dik lo ve? tia an zawh takah chuan Rinzuali paw'n ngawih reng a fuh dawn lo tih hria in engkim chu a hrilh ta veka, Keipui in alo beih dante tin khawnbawl min fapa Hluna rawlthar ina alo chhanhim dante a hrilh ta veka. Lal mawlhin chu thu a hriat chuan mak tihna leh lawmna in a ngaihtuahna a in pawlh sawp nuka tlangau pa hnenah chuan Hluna chu rawn ko chho tur in atir chhuak zui taa. Kar loah Hluna leh tlangaupa pawh chu lal hmel an hmu vata. Lal Dailo'an thu chiang engkim ahriat takah chuan a phur ngei mai hun kha leh chen salu an lo ai tawh lohna a ngaihtuah chhuak leh in an khawnbawl min fapa mal neih chhun Hluna chu a chung en vah vah thei hial a. Hlun'an lal no mawi chu 'dawm duh lo e' ti mahse lal in a nawr luih nasat em avang in fian khat vel ahan tem sak ve a...
Hlun'an keipui akah na hmun Pasaltha te nen an zuk thleng chuan Keipui chu anhan belchianga rin ai phian hian alo lian a sum 7 dawn lai hi alo nia. Hlang te siam nghal in, Keipui ruang chu an hlang nghal a, Val upa techuan Hluna chu Keipui zawn na Hlang ah chuan chuang vetur in duh satliah hle mahse amah ber in a duh loh miau siah chuan an ti lui thei ta lova mahse, valupa te chuan tlawm an tum lo chiang kher mai tih luihna vawrtawpa an tih luih hnu chuan Hluna pawh a keipui thah nen chuan hlang chungah a thu ve vang mai a, Tlangval rualte chuan 'Khaile' tih leh Hlang chu an zawnkang ta luahmai. Val upa te chuan khawchhung lam pan in hma an hruai zela, Hluna pawh Hlang chung ah chuan chuang in a Keipui thah bul ah chuan a țhuvang mai a, a zak lutuk chu ahmai chu a sen hian a sen thei hial ani. Khawchhung an hanluh chuan mipui chuan Laltunu nunna chhanhim tu Hluna hming lam chuan an au luih luih mai a, Nula ho phei chuan Hluna chu an thlir vawng vawng hlawm mai a, Hluna lah Tlangval hmelțha tak mai sawisel tur awmlo khawpa mi huaisen leh tlawmngai ni bawk si chu an ngaisang em em maia, Rinzuali leh Tharbawihi te pawh chuan anlo ralkhat thlir ve rengmai a, Rinzuali phei chu a in ngaihtuah that leh fe hnu chuan a hnuk a ulh țeuhmai a, Hluna kha lo awm talo se atan chuan vawiin nihi a khaw hmuh tawp nitur ani taka, hriat loh karin alairil khamtu alo ni hman der mai...
Keipui ruang leh Hluna chu Lal in lam pan in an zawn phei zela mipui chuan an zui luih luih mai a, He khua hian an hlutna chhan em em chu an khawdin tirh a țang hian Keipui ruang an hmu zen zawn loh vang ania, chu mai ala nilo an lal tunu chhuanvawr leh an tlangnel rawn em em Rinzuali nun chhanhim in a awm miau sia. Chu vang in Rawlthar 'hmeltha tak leh zawiawi' tak Hluna chu an ngaisang in an hlut em em ni. Nula 'bahsamthlah mawii' te lah chuan Tlangval la naupang te mah nise Hluna chu an Pasalțha en ngawih ngawiha an hmu ningthei lo ani ber pakhat, Hluna chu hmuh thin tawh mahse, Nulate chuan hmuh leh chak hrim hrim chuan an zui luih luih a nih pek hi.
Lal tualzawl an thlen chuan Lal Dailova leh khawnbawl te chuan Leihkapui a țang chuan anlo hmuak a. Lal Dailova chu a hlim dar dar ngei mai. Tlangval rualte chuan Hlang chu an nghat tarup mai a, Hlang an han nghah chuan Keipui chu a lang lian zerh zerh khawp mai, Mipui techu Lal tualzawl ah chuan an awmțhup mai a, Lal chuan Hluna chu koh chho in Leihkapui ah chuan an dintir a, Lal chuan thu tamtak fakna a sawi zawh chuan mipui techu an au dur dur mai a...
Chu tih mek lai chuan lal in lam panin naupang pathum ngawt mai hi hmanhmawh takin an lo tlan meka, mipui lam pawn mak tiin anlo thlir thup maia, chung naupang te chu lal in anva luh chuan an tlan hah viau ania nge an thaw lawp lawpa lal nu mawii chuan tuite ahan in tir phawta, a intir zawh chuan thu awmzia anhan zawta. Lal in naupangte thu ken a hriat meuh chuan a meng phawk hru mai.
Behlianmum hun awm vel tihah chuan Darkhuang Daihnai thlen hma lawk sih lian vetak kam ah chuan lal zakima Pasaltha ten an hmabak sep chung chuan meipui chu an bial lat lat a. Dairep daingul Pasaltha an hmachhuan leh innghahna ber an pasaltha Hualvela chuan,'kan fimkhur a ngai in kan ngaihtuahna fim tak hmang chunga Darkhuang khua hi kan luh loh chuan, an pasalthate kan kaihharh hlauh zawng in a chanchhe zawk kan ni ve thei tlat pek" hmai uang hauh si lo chuan ahan tia, zawhna mitmeng nen val upa lam chu an en nghal a. Val upa pawh chuan. "Hualvel i sawi dik khawp mai fimkhur chikima kan fimkhur a ngai tak zet mai kan mi tirh te pawh an rawn kir thuai anga chetlak dan tur felfai zawk kan ngaihtuah chu a ngai dawn ani" ahan tia.
Kar loah Darkhuang khaw chhung chu Thisen chik zuai zuai karah chuan chem in khak tek sawk sawk in, na tuar rumri leh mahni hmingchhal meuha awrawl chhuah chung chuan Darkhuang leh Dairep khaw daingul mihrang val rualte chu a dingchang zawk nih ngei tum chuan an in phek nuai riap riap mai. Sawta leh khawchhak Rulpui tih hial khawpa hmingchher nei Dairep pasaltha chhuanvawr te hma chu a kaw duak duak mai...
Khawnbawl min fapa mal neih chhun Mihrat khawkheng val zam ngai lova Keipui lo zal tu Hluna leh Dairep pasaltha, a ruala lu sawm khai theipa tia hriat lar Sangruma te chu an in thlur bing ta ngar mai le. Dairep pasaltha chuan 'nang naupang miluhlul awm dan mawi kan fin ang che' tih pah chuan Hluna chu bawhchilhin a chem chu ding leh vei hmang kawp chuan an vai kual zawr zawr a. Hluna chuan hnungtawlh pah in alo khak per sak ve nawlh nawlh bawk a, Hluna tuan hi fum zawk mahse, duh duh dana nuai bo chi ani dawn lo tih Dairep pasaltha chhuanvawr Sangruma chuan hre ta ngat se ain hnuk dawk a rin awm hle mahse, tunah chuan anih tur zawng zawng chu ani zo tawh si 'Se bo hnua se kawng khar tum' ang lek anita...
BUNG 3
Lal Dailova Pasalthate silâi chu apuak rual leh nghal țhuai țhuai a, hmelma lam natuar ri chuan azui nghal zêl bawk a mahse, Dairep Pasalthate chu an tam hneh êm avâng chuan, Darkhuang Pasalthate chuan an tum anga rei erawh an dangbet thei talo. Silai mu an han thun leh hnu chuan Darkhuang Pasaltha in nghah naber Rokima chuan "tunah le" tiin ahan au leh tuarh a, chuveleh anaute ho chuan a rual a silâi hmetpuak tawh lovin an in kah chhawk deuh hlek a, hmêlma ti zam theitur angber in fimkhur taka tawlh kîr pah chuan an kâp vê reng bawk a, hmelma lam pawh an rawn huangtau țan lehta. Dairep khaw Daingul mi chhuanvawr te lam pawn an tumram hruai thleng turin theihtâwp chhuah in akhat tawka silai kap pah reng chung chuan hmalam pan in an tawlh char char a...
Chutiang zêla an inbeih hnû chuan Lal mual lam pawh an hnaih tawh hlê, Lal meuh pawh a 'Tukli' nen a mi leh sa te tihphur nan a rawn thawk chhuak ve ta rup mai. Lal Dailova chuan athlanga mipakhat lal in lampan a rawn chho mek chu a kap hlâwm nawlh mai a. Chutihrual chuan anaute silai pawh chu a puak ve nghal zawt zawt bawk a, mihring mangang thâwm leh natuar țê rawng rawng thawm chuan azui nghal zat bawk. Rangtaka silâi mu thun zui nghal in hmelma lam pawh chuan an rawn sai let ve nghal zawt zawt bawk a. Lal Dailova pasaltha ten thal thlah hmasatu ni lo mahse khuanun a hualhim ania nge an chan ala țha rih hlê. Hmêlma lam chuan chutia an rinphâk loh lutuk thil in arawn den tâk dawt ah chuan an chîâi ve hlê mai a, amaherawhchu rei erawh a rial lo thung.
Hmêlma ho pawh rawn hnai zelin awrâwl chhuah meuh in an silâi chu an rawn kap puak pawp pawp bawk a. Lal makpa 'Rinzuali pa Marema' chuan an hmelma hmatawng rawn fâl deuh ber chu kah tumin a silai chu a han tin leh chiah chu, hmelma lam silai apuak hmasa zawk ta tlat mai le, hmelma lam silai puah rual chuan Rinzuali pa pu Marema chu lei ah chuan avir nghâl zawk a chawp chilhin a rauthla a bo ta nghal a. Lal fanute nufa Mawii leh afanu Rinzuali te chuan anpan nunna reng nei tawh lovin a zal ani tih hre ngat phei se eng tin tak ngai ang i maw?...
Dairep khaw chhuanvawr Sangruma zawk chu vanduai palh in Lungte arap hrual palha hmazawng in a tlu chu Darkhuang rawlthar mikhart khawkheng chuan an chhuk sah nghal zat zata mahse, Sangruma chu sir lama lum sawn deuh pah chuan a chem chu ahan vai nghal zawt nghala Hluna ban chu a thip zawk a, a tawp nan ti ni awm tak hian Sangruma chuan Hluna chu 'naupang lulawk thihlawm rawh' tih pah chuan a chempui ahan len leh fua maia, chutia Sangruma chempui rawn thlâwk fua chuan Hluana chu rang taka lo kûn hniam hman in a taksa in apelh fel rual chuan rang lutuka inher kual pawp pah chuan, a chempui chu ahan vai nghal țhuai mai a. Hluna 'tuan fum zawk pawh a lo duai lo khawp' ani pawn a hrawkah tak chuan achem thi kai hnuang hmang chuan Sangruma hrawk chu ahan sat a, pasaltha Sangruma pawh chu a thingthi nghal rawp a, han ding chhuak leh ve ve tur in, Dairep khaw pasaltha chhuanawm leh zahngaihna neilo pawh chu chakna reng nei tawh lo in a thlarau chu a thlawk bo tasi!! a tawp a tawpah chuan Dairep pasaltha Sangruma zawk chu a zalta zawk ani...
Thâwklehkhat ah silâi arawn puak țhuai a, Hluna kah tuma silai tintu chu avir zawk mai a, lei char ah chuan nunna neilo tih hriat tak mai hian ahlawm ta reng a. Silâi mu chu rawn thlawk nghal fua fua in hmelma lam pawn an kâp let vê nghâl a. Chutia an inbeih buai lâi tak chu chuh in Lal Dailova chu anaute chuan an theih anga rang in anlo in saseng pui thuai bawk. Darkhuang pasaltha chuan ringtaka âu chung hian "Khâ le, keimah Lal Dailova khaw pasalțha ral za hmaah pawh zam ngai lo Rokima kalo kal e, Angam ngam chuan minlo hmachhawn ta che u". Arawn ti phei ta tuarh tuarh a. A awrâwl atang rêng pawh thih ngam luzuar âu râwl a ni tih Dairep Pasalthate ngêi pawh chuan an hrechiang kher mai. Hmelma lam pawn an hnunglam ațanga awrâwl nena rawn um tu chu mihrâng a ni tih an hai bik mawlh lo. An tawlh ta duai duai mai le!! Thui erawh an tawlh hmanlo chiang kher mai, an hmalam ațang chuan âu thâwm arawn ri leh ta, "Khaile kei Hluna Darkhuang lu zuar ka lo kal e mihrang val zam ngailo te nen" a rawn ti leh tuar mai. Darkhuang Pasalthate Silai dwng in Dairep daingul pasaltha pawisak neilo te chu hneh sawh takin Darkhuang mi chhuanvawr te chuan an zal thah ta tawp tawp mai...
Hmelma lam tan pawn tihngaihna a awm ta ngang lo, hmelma thi bâng la dam awmchhun te chu an inpe ani tih lantir nan an râlthuam te chu lei ah paih in an kutte chu chunglam ah an phar chhuak tâ a ni, an hmelmâ te an inpêk takah chuan hmelma ho chu hnungkhirh in an phuar hlâwm ta hlawm a, mipuite pawh chu an tawmna atang chuan khawchhung lamah an hruai kîr leh tawh a. Lal tual ah chuan an miman te chu dah in mipui chuan an hual tuau mai bawk a. Lal Dailova rawn țawng chhuak in an mimante hnên ah chuan, Ka makpa leh ka mi lehsa nunau pawi sawilo in lo thah ri ngawt hi ka paldai mai mai dawn lo, tû khua leh tuite nge in nih a, in engpawi ngê kan sawi tak mai lê" tiin mit sen ram hian ahan zâwt a. Chûng an miman te chu an hrawka hmawlhte kam ang mai hian an ngawitlat thung. Lal chu rawn țawng chhuak leh in vawikhat ka zâwt nawn leh ang che u, min la chhan loh chuan in chungthû hi engtin pawn rêl ila mawh ka phur lovang" ahan ti leh charh charh a...
Dairep khaw daingul chhuanvawr te zînga ngêng hmêl takmai chuan Lal chu rum taka melh chung hian, "che thei lova kan han awm takah chuan min ngampa ta hlê mai maw? mipa diktak anga min hmachhawn ngam lah zuk awm lo che u a" a rawn ti lang langa. Lal in deuhsawh taka an miman ten an tham loh zia ahmuh in a lungâwi tawh lo hle mai tih hai rual lohvin ahmêl ațang chuan alang reng tawh a. An mimanpa chu ngeng zet hian rawn țawng zui leh in "tu te nge kan nih a, engvânga helâi hmun a rawn bei che u ngê kan nih? tih inhriat duh chuan mipâ taka min hmachhawn ngam tu in awm phawt a ngai ang" ti leh ta nang nang mai le. Lal chuan, "duh thlang thei ah ila in ngâi animaw" ahan ti leh bauh bauha. Chutihrual chuan Pasalțha Rokima chuan "Lalpa alu a zuar anih kha aduh ang chu nirawh se.." rawnti vê leh ta tlat mai le..."
Lal Dailova pawh chuan lungrem hmel zet hian, "Kan pasalțha i chona chu kei Darkhuang lal Dailova hian ka pawm e, I chung ah engpawh athleng anih chuan i mawh ani e, i duhthlanna ang chuan ni mawlh rawh se vala" a'n tia. Chutah zet chuan an miman pa chu a nuihbawm kehin anui ta vur vur a. "Mipa in awm talo emaw katih lâia pakhat chu inlokawl vê mial a nimaw?". Thamlo tak chuan ahan ti zui a. Pasaltha Rokima apên chhuak chiah tih ah chuan a dâr ah nghet chetchawt a rawn mantû an awm ta thut mai le...
Khuanun a lo duan lawk sa angin dan rual loh tih hriat tak mai hian khua a rawn thim țan leh tawh kher mai. Rinzuali te nufa leh mipui lam pawh an tawm na atang chuan pasaltha ten an hruai kir leh tawha, Rinzuali te nufa chuan anpa Marem'an nunna nei tawh lovin an khaw hum nan anunna hlutak ahlan tih an hriat meuh chuan an nufa chuan in kuah pahin an tap ta zawih zawih a. Rinzuali chuan aw chhuah meuh in "Hlunte kha mi tenawm pa kha dim reng reng suh that ngei ngei ang che apa thisen mawh chu a phur tel ve e" ahan ti tuarh a. Hluna pawh chu aruk taka a lairil lo kham ve tu in alo auh takah chuan chet sual atum lo bur...
Post a Comment