Ral khat a ui u rawng rawng chuan ka mulai chu min rawn tiharh chiang hle a, a tirah chuan engah vak ngai lovin han mut leh mai kan tum a, chutih lai chuan ui u thawm chu a rawn hnai zel a, ui dang pawh chu an rawn u ve ta chuah chuah a, kan veng chhunga ui zawng zawng chu an u ta emaw, tih tur chuan an rita chuah chuah mai a.
Kan veng hi tlangbula awm mual pathum rawn in khawhchhuak lai tak a awm a ni a, min karchehtu mual pahnih te hi veng dang thlanmual ve ve a nithung, zantin mai dar hnih leh achanve tih bawr vel hian thlanmual khawi emaw zawk zawk atang hian ui hi a rawn u chhuak a, thlanmual leh lam an thlen hma chuan an reh ngailo. Mahse tunzan erawh chu ka ngaihbel nge zan dang aiin kan in chu a rawn hnaih tlat hian ka hria a, kan in hi kawngpui atang hian tlem a, a zukfal deuh bik avang hian zandangah chuan ui an han u deuh pawh hian a rikna chu a hla deuh hlek thin. Mahse zandang anglo tlat tun tum chu, zandang a ui dangte an rik chuah chuah pawh a thawm nei ve eih ngailo ka ui pa Tysona pawh a thawm atang chuan hriat a nei tih chu ka hrethiam mai a.Khum atang chuan thochhuakin lite kan ti eng dawn a, electric chu a lo awm hauh lo, ka rilru tete chuan, hmm, kan zoram tak hi chu aw! tunang hunahte chuan eng neihtur alawm mawle, ka ti nuah nuah a, mahse thimthamah chuan ka liter chu kan talh eng a, kan chhuar a bati ka chhit zawh chuan kawngkhar chu hawngin pawn lam thawm chu kan ngaithla leh deuh vang vang phawt a, thawm chuan kan in awmna laizawn chu apel tawh, kan in atang chuan kawi thumna a thleng tawh a, ka rilruah chuan fiah chakna ka nei ta tlat mai le.
Inah lutin ka thawmhnaw ka inhatha sawk sawk a, ka uipa chu kai in thawm rikna lamah chuan a chak thei ang ber chuan kan tlan ta a, tunah chuan ui bohna hmun chu kan hnaih sawt tawh viau e, mahse thlanmual kan lut dawn tlat, hlau deuh mah ila ka rilruah chuan mizo tlangval ka nia, eng nge ka hlauh ang, hlauhte chu tuai leh hmeichhe tih tur tawk chiah ka ti mawlh mawlh a.
Thlanmual tawn tirh chu kan lut ta, thawm chuan thlanmual mawnglam ala panta cheu mai, thawm reh leh hma a, fiah hman ka duh avang chuan ka uipa nen chuan kan tlanthlata dawr dawr a, thlanmual tawp kan thleng dawn tih chuan a hma zawng pawh a, ka uipa ka hma a tlan chu a, muangta tlat mai. Ka ui chu a ding chawt a, hmuh nei tih hriat tak mei hian kan hma zawn tak chu dingtak hian a melh a, chutih rual chiah chuan kan bulah hian uipa dang hi a rawn langhlawl a, a rawn bo nghek nghek a, mahse ka uipa erawh a awmdan atang chuan chu ui chu a ngaihsak miahlo tih ka hrethei mai thung, Ka uipa hi Doberman a pier thlahpawlh miah loh England atanga kan chah chhuah a ni a, kum hnih chu kan in hrawn tawh a boh ngailo mahse a huai em em thunga, in veng tur hrim hrim a kan tih a ni a, a neitu chu min hriain ahuai bawk a, ui dang nena an in tihbuai in a tawlh ka hre ngailo mahse tun tum chu, a ngur chhar chhar a, hmalam panlo chuan hnunglamah a rawn tawlh ta tlat mai chutah zet chuan ka ui chuan hmuh a nei tih ka hrechiang leh zual ta.
Kei chuan hmuh ka neih ve miau loh avang chuan hmuh vetum chuan kan thlek ngial a, chu tah le ka ui kaih chuan ka lam rawn hawiin ka sirchiah chu a boh ta nghek nghek mai a, ka ui bohna chu rang tak hian kan enve vat a, awi ka rei..... thla ka ti dawn nge ramhuai ka ti zawk dawn, ka zawnah tak chuan ka hmu ve thei ta. Ka phu dawrh a ka chhungrilah chuan ka tek chhawk a ni ber, kawrvar fual hi aha a. A ke chuan lei adek hauhlo, lei atanga khap hnih velah hian akang a, a ke chu ati mar thla et a, a sam chu asei nghuang thung, mahse hnunglam minchhawn tlat a vang chuan mipa nge anih hmeichhia tih ka hrelo, chutah le, a taksa dang tiche chauhlo chuan alu chauh chu a ti che hrut hrut a, a lu chu avir mawp a, hnunglam a rawnhawi ta siah mai le, kei pawh ka dinna atang chuan ka kat nawk a, lungthil chu rap sualin ka pei nawk nawk a, mawngsawh dawt in ka tlu thlawrh a, rangtakin ka uipa chu kan inkarah arawn tlazep thuai a, ka ui chuan ngur ve chhar chhar mahse chu Ramhuai chu, a hneh rual a nilo tih a hria nge chuti mai chuan a bawh hauh lo. Rang tak a thawh chu kan tum a, ka thei mailo, chutih lai chuan chu ramhuai chu kan awmna lampan chuan a rawn tawlh phei ta delh delh mai le, ka in ngaihtuah harh zawk a, tyson an a bawh ngamloh danah timai chuan kan putu hian kan hneh dawn lo tih ka hre thiam thut a, Tyson tirawh tlan ang tih leh tlat chu ka rual a, chak mangkhen chuan thlanmual chhuahsan tum chuan kan tlanchho dun ta a, tlanpah chuan kan hawikir zawk a, thla chu ka hmu tawhlo chu tia ka hmuh tak lohah chuan ka tlanmuang leh ta hret a, thlanmual tawntirh in awmna kan thlengtan tih chuan ka hnunglam chu ka hawilet leh zawk a, chu tah a kalbo tawh emaw ka tih chu ka hnungchiahah a rawn thlawk vetih ka hmuh chuan ka thinlung chhunga ka mizo mipa nihna chu a ter veta at mai le, hlauh pawh sawi tawhlo chuan ka ding chat a, hnunglam chu ka leh hawi veta, chu Ramhuai nen chuan kan in dinchilh ta rap mai le.
Chu thla chuan hmalam a rawn hawi tawh a, a sam chu a hmalamah a tla uai hnuang a, khabe erawh a nei hauh lo, a khabe bal huang atang chuan thi niber hian ka hria rimchhe tak hi a chhuak deuh zuih a, a kawrawmah chuan a kai thla hnuang a, ka uipa chu ka sirah a ding a, a boh ve ta nghek nghek a, tengchhak hian hei bak chu ka tawlh tawh dawn lo kan tive rap a chu mipah chuan ka ui kaihna hrui chu ka thlaha.
Chutia ka tih rual chiah chuan ui dang pa nga hi an rawn lang thawt a chutih pah chuan an rawn boh nghek nghek bawk a, thawk leh khat ah ka hmazawn a, mi chu a bo ta daih a, chu tih rual chuan boruak up churh pawh chu a vengta duak a, a mak ka ti kher mai, ka rilru chuan a kal bo tawh a nih dawn hi ka ti a, ka ui pa kai chuan ka hawngta a, kawnglakah erawh ngaih a ngam duh lo hle thung...
Post a Comment