 |
| Ziaktu/Post-tu |
HMANGAIHNA hian khak hun anei chawk thin an lo tih hi 'dawt' ani itih theih chhung chuan Mi vanneih tak ini tih inhria la lawm rawh.Nimahsela,hmangaihna boruak rip tak hnuaia itluk luh ve hun chuan adik ani tih pawm turin ihming chu iduh loh Chung chung in iziah luih tho angai anga,khawvela mi vanduai ber zingah i inrin lut thung tihna ani ang.......
He thu huatthla la awm tak hi adik Zia hriat ka in ring lo,ka lo lian anga nupui te ka nei anga tiin ka ingaihtuah thin.ka hmangaih Ber chu 'nang aia hmangaih leh duh ka Neilo tia ka hrilh thin na hmui ngei khan thenna thu asawi dawn ani tih hi ka ring pha ngailo. He khawvel mi zawmthaw leh michapote'n vaihvaihna leh anchhedawng khawvel ang hiala an ngaih,mi dik leh pathian tihmite erawh chuan hmun nuam bera an chantir leh lawi si ah hian nupui pasal inneia chi te thlah pung a he khawvel luah Turin siamtu chuan alo duang ani tih tichiang turin hmangaih leh hmangaihtu chu ka lo tawng ve ta reng mai!!!!!
Ka nu leh pa Te hian kum 19 ka nih lai velin motor accident ah min boral San a mahse ka nu leh pa zarah thiamna ka hlawhchhuak a an fapa neihchhun hi mal takin min kalsan a,sum leh paiah erawh harsatna ka neilo mizorama ka awm lai khan sawrkar hna ka thawk a ka khawl teuh bawk kan runin ka nu leh pa te nen kan chen hona thinah chuan keimahin khawhar takin ka Cheng a,ka chhungil nun chu hausa lo mahse ka khawvel nun chu aneinung ve hle ani.ka nu leh pa nunah zirtur ka hmu ngailo a,mahse ka nu leh pa annih tlat avangin ka zah a,he kawvel an chhuahsan in atang kha chuan an hlut Zia ka hre tan chauh ani.An fapa hi anthil tih thalo tak avanga mite duhloh leh hnawl tur ala ni dawn tih hria se lachuan an nundan an thlak ngei ka ring.pathian chu thlahte thlah leh chhawng thlenga hrem duh Mi anih Zia an hre tello ani magna!!!
Hmangaih ka tawng a ahming chu Rosy ani a,van Angel te pawh ani aia anthat bikna tur hi ka hrelo ahmeltha takzet a aduh hian ka duh ngawih ngawih ani Ber mai.hun remchang kan neih apiangin kan leng fun thin chumi hmunah bak chuan kan inhmu ngai meuh lo thlifim nuam takin athaw her hera chumi hmun hming atan chuan 'D-love ' kan sa a.chu hmun tluka hlu chu kan tan chuan a awmlo.rosy tello a nikhat lek awm pawn harsa ka ti ani pawn min hmangaih a min ngai ve ngawih ngawih thin.
Kan inkar leh kan inhmangaihna chu rosy chhungte chuan anhria a mahse kei ve tehlul hi an fanu tan chuan min iai ani tih chu ka hai lo the kan tiama kan chungah engpawh lo thleng se famchang thleng pawhin inphatsan lo Turin ka intiam tlat a,achhungte chain rosy pasal atan hual leh kei aia duhpui zawk an nei mahse ka hmangaih em avangin ka thlah thei bik silo.....ka neih hma ngeiin chupa nen chuan inneih tir an tum a rosy chuan aduhlo hle a atap reng hi ani tawp mai kan pahnih a fanau maltluan chawia lendun kan tiam te kha athamral mai ka hlau takzet ani.Rosy pa hi Mi khirh tak mai ania midang neihtir atum thu asawi atang phei chuan rosy chu amangang hle a hnem Dan ka thiam bik silo chaw a ei theilo ahriselna pawn atuar hle.Neih ngei tumin zah pawh dawnlo in rosy pa bulah chuan ka hmangaih Zia leh hlim takin ka siam ang tiin tap chungin kA ngen ta ringawt mai.mahse rosy pa chuan khawtlangin an thinhrik leh lo hmingchhe tawh nu leh pa entawn tlak pawh neilo fahrah kei be tehlul nena inlaichinna leh chhungkhata Indian aduhloh the min hrilh a ka Zak ngawih ngawih khatianga patlingin hmaichhan meuh a min han hrilh fak mai kha chu na ka ti a,hreawm ka to bawk.chutih rualin min hmusit ngawih ngawihtute nena chhungkhata Indian tum phet chu ka duh lo a ka tum bik hek lo engmah pawh ka sawilo ka melh ngai ka melh tlawk tlawk a ngawi rengin ka chhuahsan ta zawk a.
Khawhar takin inah chuan ka awm a,Rooster hla "if u call me today,I'll say I'm fine but i bet u can tell about the tone of my voice is just a lie" tia azai chu ka zawm a ka mit ka chhing vang vang a rosy hlir chu ka ngaihtuah a ka darah tu emaw hian arwn vuan a.Aw!! Chu kut chuan egtin nge ka hnen arwn thleng tak? Rosy ngei ani.
I pasal neih tur the min hrilh dawn em ni? Ka tia rosy chuan midang ta chu ka la nilo hlim taka hun min hmangpui hi chu iba ani nilegin ibulah awm Turin ka lo kal tiin ka malchungah chuan amu a egmah ka sawi theilo ka kuah vawng vawng a,zawite in ka being bulah chuan Dave ka hmangaih che.
Ka hria alawm ka lo tichhum hmaka.
Min chelh tlat rawh aw min kaltir suh.
Khawvelah hian ka ta nilo tur hi alo tam em ani tiin ka chhanga.
Ineih their reng pawn hi sirah min hnawl amaw tiin atap zawih zawih a rosy mittui chu ka hru seng dawnlo tih ka hria chuvang chuan ka tah tira ka them duh bik lo.Adik take chuan kei hi hnem ngai zawk chu ka ni mahse inhnem nan mittui sawm chhuak Mi ka nilo rosy thusawi chu ka chhang chak hle a ka neih their reng ka hnawl loh Zia ka chan phakloh Mi hmingtha fanu lo hmangaih be ringawt tu ka nih ziate hi engtin nge ani hian arawn hriatthiam ang?ka chan lohtur hmangaihtu ka thinlung hi ka has ngawih ngawih a,hmangaihna min Petu pawh ka dem ani.
Rosy chuan Dave tho rawh D-love ah ka kal duh atia hmana kan lengdunna hmunah chuan kan kala rosy chuan he hmunah hian thih ka duh dam ka duh tawhlo tiin min kuah a amittui ahru mawlh mawlh a keichuan nghet taking ka pawm a nakin lawka Mi ta ni maitur chu atawp nan duhthawh taking ka fawp ta vawng vawng a.khua atlai tawh avangin an inkawt thleng ka thlah haw leh a akal lai an inchhung aluh thleng chuan ka thlir liam a.
Rosy chu vawikhatmah hmuh leh ka tum tawh lo harsa ti take chungin "hmangaih che tumin nitin ka bei thin,mahse engtikah mah ka hmangaih theih che ka in ring ta lo,nangmah hmangaihtu inu leh pa thu chauh zawm la hlim takin awm ang che ka hmangaih lo che" tiin message ka thawn a chuta chin chu ka be tawh ngailo hmuh pawh ka duh lo a phone call pawh ka chhang duh tawh ngailo. Kan Len dunna thin D-love ah pawh ka kal ngai tawhlo. Bansan Turin ka their tawp ka chhuah rosy pawn min hmangaih hle tih ka hria chuvang chuan ani zah pawh dawn lova ka bula arawn kal tak.chumi tuk chuan Mizoram ka chhuahsan nghal a.Ani chu pathian tih ngang ania achhungte thu chu ahnial ngam fawn silo.mahse ka dem ngailo ang.ka message thawn kha thudik takah angai ngei ang achhan chu dawt ka hrilh ngailo tlat ani amah ka hmangaih lutuk vangin a thianghlimna tihchhiat sak ka duh ngailo tihlungnih loh ka hlauh luatah aduhloh leh aphalloh thil engmah ka tilui nhailo mahse midang ta ani ta si!!!!!
Rosy pasal neih hnu atanga kum 4 naah chuan mizoram lam panin ka haw leh a,diktakin Mizoram ka chhuahsan chhung khan ho takin ka khawsa a ka nu leh pa thin champhaphak pawh ka ngai pawimawh zo lo.chutianga reitak kavthlahthlam avang leh an than enkawltura rawihtur zawn pahin tun tum chu an lu nghahnaah ngei chuan hun human ka duh ani.
Hun reitak ka chhuahsan tawh ka in chu ka thleng leh ta,ka room ah chuan ka chho a ka khum bula ka hun rosy nena D-love a kan thlalak dun kan frame chu alo la inhung renga.
Tum leh duh vang reng pawh niloin ka lei taksain athlen duh tawhlohna hmun chu ka rilru chuan afang Kuala kan taksa chu he hmunah hian intawng their tawhlo mahse kan rilru tal chu intawng leh tak ang maw??ka la hmangaih reng anih tih hriatna chu keimahah arawn awm thar leh a.
Ka insiam sawk sawk a D-love lam pan chuan ka inkhalh chhuak a,sulhnu fan leh chu ka chak tlat a ka khalh chak em avang chuan ka thleng hma kher mai.
Car atang chuan ka chhuka ka hawi kual vela hmana the kanlo tiam tawhna hmun chu enkawltu neilo tih hriat takin achul rep mai.ka haw kual zela thingkung lian leh mawi tak azar hnuaia kan thutna thin zawn ka hawi rual chuan ka phu zawk mai!!!!! Engthil nge ka hmuh tak!???? Ka pan hnai a,abul ka then chuan ka thingthi hnawk mai...
Rosy chu he khawvelah a awm tawh lo ani maw!!! Ava make em!!! Thlanlung chu ka kuah ngawih ngawih a, ka va mal take em!! Thlanlung sirah chuan bawm te takte thinga siam hi alo inhunga asir pangah chuan "Dave tan" tih hi alo inker a,ka han hawnga zungbun pa1,thlalak pa1leh envelope hi alo awm a,thlalakah chuan nunna nei tawhlo kuang chhunga an zalh hmel chu ka'n en a,Archer in ka rosy kha Anna pakhatmah aneilo.ka maimitchhing vang vang a envelope chu ka hawng ta chauh va.
Dave.....
Ka pathian zarah ka lehkha ziah chhiar thei tura damtaka i awm ka beisei.He lehkha ichhiar hunah kei erawh chu he khawvelah ka awm ve tawh dawn silo...Dave ka van ngai tak che em!
Ka taksa achakloh avangin ka duh zawng zawng ka ziak vek thei dawn lova mahse ahmasa Ber atan hria la ka duh chu pasal ka Neilo ani tih hi ani.Nangmah nena kan inhmuh hnuhnung Ber tuk khan ka pasal tur lo leng tur kha kan in bul step Arah sual vangin alum a,damdawiin anthlen rualin a boral ta ani.Tichuan ka pasal neihna tura ka nu leh pate inbuatsaihna zawng zawngchu athlawn ta a.Tawngthu chhe lovah ka thinlung alawmru em em a kan pahnih hian khuanu that kan ni ngei ang tih hi ka ringnghet tlat a.ka pasal tur thihna pawh chu pathian remruatah ka ring tlat ani.
Tichuan phur takin rawn Biak che ka tum a atlang thei silo.inah ka dawn kala thil awm Dan ithianpa in min hrilh a ta tang khan ka nun phung pangai ka hloh tan pathian ka au a,areh vung vung si.Vanduai bik riauin ka inhria a ka rilru dam nan ruihhlo ka bel a,i hmangaih em em thin rosy kha ikalsan atang khan athi ve daih tawh asin.ka nu leh pate chu an inthiamlo hle a,an mangangin Biak pawh che antum thin a mahse i address kan hre bawk silo.Dave itheih hram chuan ka nu leh pate kha lo ngaidam ang che aw.
Damdawiinah ka luh hial alo ngai ta ka chhungte bulah ka thin hunah chuan hmana ka Len dunna hmun D-love ah khan min phum Turin ka ngen a,chumi ni a ka tah nasat Zia chu(h)....Dave dawt min hrilh ngailo mahla min hmangaih loh thu isawi kher kha chu ka ring theilo min hmangaih ani tih hi ka hria asin ka hrechiang lutuk achhanchu ka chunga ichet Dan ka ngaihtuah apiang hian min hmangaih tih ka hre thar leh thin.min hmangaih ani tih min hrilh leh duh phawt Chuan bawm chhunga zungbun kha lo bun ngei ngei rawh aw...kha tiang chiah kha kei pawn ka bun ve ania.
Dave he khawvel hi chu inthenna ram ani a, "kan chan loh tur thil alo tam em ani" itih kha alo dik khawp mai.Thin hnu piahlam ramah inthen yawhlo Turin kan awmdun theih man inun kha uluk takin lo hmang ang che aw....ka ngai lutuk che....
Nangmah vanga hlim thin
Rosy
Zungbun chu ka la chhuaka "rosy ka hmangaih che asin" ka ti a ka fawp a,ka bun a,athlanlung chu ka kuah a ka mittui chu ka hru senglo.
Rosy tello a hun hman kha harsa viau thin mahse ka thei mai thin achhan chu akal tawh tih ka ka hriat loh vang ani.ka ta nilo mahse pasal fanau neia hlim taka a awm chuan ka lawmpui hram gram thei bawk ang mahse athlanlung inziak chuan kir leh ngai tawhlo Turin min kalsan tih atilang Chiang hle si!!!! Chu chu ani hreawm chu...ka tan hian TAH ATUL LEH THIN....
Mizoram chu lo chhiahsan lo tawp tur ka ni asin tiin ka ngaihtuah a,tunah chuan engkim atlai zo tawh ka inngaihtuah thinrim a, rosy nu leh pa chu ka hua Anu ai mahin APA chu ka huatna anasa zawk ka ngaihtuahna chuan thenfai theih tawhloh khawp a bawlhhlawh a ngaihtuah kai tlat mai egtin nge chu chu ka chinfel ang????
Hmanhmawh takin inah ka tlan lut a ka Indian sawk sawk a,ka room a Almirah chu hawngin colt.38 leh chemte chu ka lachhuak a hmanhmawh taking ka inkhalh chhuak nghal a.
Khawchhung chu ka thleng a alo reh ruih mai.Biakin dar ri real real chuan pathianni ani tih min hriatchhuah tira chu dar ri chuan ka ngaihtuahna bawlhhlawh take chu arawn la peng ta tlat mai!!!! Chu dar ri chuan " Lo kal rawh,Lo kal rawh " ti a min ko tlat hian ka hria a,ka khur zawih zawih a,car chu ka ti ding ta tawp a.
Rosy'n " Biakin dar ri hi amawi ka ti e,achhan chu ka inkhawm peihloh deuh tumte hian biakin dar ri hi pathian aw angin ka ngaia,amah hnaih tura min sawmna ni tlatin ka hre thin a,ka phur thar leh sawt thin" tia asawi kha ka hrechhuak leh zel nen,tichuan,beiseina nen nun beidawng leh khawhar tak Chung in chu biakin dar rikna lam pan chuan ka inkhalh phei ta zawk a.......
~~~~~~~~~~~~~~~~~~~~~~
Post a Comment