Ba ek ngo – Ngo hleng hlung, thisen nei lo.
eg: Tha ka tih zawng a ni lo ve, a ‘Ba ek ngo’ ve satliah mai a ni.
Chhura buh en – Buh kung a thawl zawng leh a dungzui zawnga en.
eg: Kan buh a chhe khawp a, ‘Chhura buh en’ pawhin a lang mawi zo lo ve.
Chhia tha – Rual ban lo , chak lo.
eg: A ‘chhia tha’ ve tawh a, engmah ti tlak a ni twh lo.
Chemhrah lal – Mahni theihna leh tumnaa intilal chawp , tawrawt taka lal.
eg: A theihna avanga ‘Chemhrah lal’ ve mai a ni e.
Chimlim – Mi ler, mi dang dai, ti kher kher leh duhtui sawina a ni.
eg: Mi ‘chimlim’ takte hi chu ka kawm thiam ve lo.
Chal tawh – Hriat lawk loh leh inhmuh lwkna awm lova intawh phut hi.
eg: Kawng laka in ‘Chal tawh’ chang pawh hian biak hmasak kan chang ngai lo.
Chhum lo chat lo – Chawlh lailawk awm lova inphaman zat.
eg: ‘Chhum lo chat lo’ vin thu han sawi teh.
Chem kalna zawng/lam – Thiltih thiam zawng.
eg: Lem ziak hi ka ‘Chemkalna zawng/lam ‘ a ni.
Chhuan mang rorel – A tlaran zawnga rorel.
eg: ‘Chhuan mang rorel’-ah hmasawnna a awm thei ngai lo.
Chem lova lu la – Mi eizawnna emaw nunna ber emaw tihchhiat/tihpin sak.
eg: ‘Chem lova lu le’ a ni ber e.
Chhungpui fa – Nupui tak nena fa.
eg: Anite chu tluk thu a cheng lo,’Chhungpui fa’ a ni tlt alawm le.
Chhim thal bekang puah – Sawi awm leh awm lo thlu lova sawi phawng phawng.
eg: Nang hi i lo ‘Chhim thal bekang puah’ leh phawng phawng mai thin a.
Chan tawka khawrel – Mihring thineihna phak baka thil lo thleng.
eg: ‘Chan tawka khawrel’-a i ruat thiam leh i nihlawh a ni mai.
Chhuan chham – Ei tur nei lo.
eg: ‘Chhuan chham’ em zawngin kan la awm lo ve.
Chhimbu dawi – Mi laka thil hriat duh kan neih a, pawng zawh ngawta sawi duha kan rin si loh, an sawi duh nana hre sa ang taka insawi a, hre sa zawha va zawh hi.
eg: Kei chu mi ‘Chhimbu dwi’ hi ka thiam tlat lo.
Duap kai – Zawl dawh, a nem zawka tang.
eg: ‘Duap kai’ zwka tan a tha e.
Dam rei nghah thil – Ni khaw reia lo la ni/thleng tur.
eg: Krismas chu ‘Dam rei nghah thil’ a ni leh ta daih mai.
Ei ngai loh rah taka rah – Nasa taka rah kur luk.
eg: In kawlthei chu ‘Ei ngai loh rah’ takin alawm a rah le.
Ei bo bar – Ei ral mai mai thil .
eg: Kan ran te pawh ‘Ei bo bar’-ah kan hmang zo tawh.
Nghar mut – Muhil lo emaw tih tur khawpa mu nghet lo.
eg: A ‘Nghar mut’ mai mai a nih saw, a muhil tak tak lo vang.
Hmai thing hawnna – Zah dawn lovin tihna.
eg: In pawi kan lo khawih ta si a. ‘Hmai thing hawnna’ pawh nei lovin ngaihdam ka rawn dil e.
Hnang vara hlin ngam – Mi ang lo tihna .
eg: Anite chu ‘Hnang vara hlin ngam’ a ni a, khin chi a ni lo.
Hnam lak tla – Hnam khat , chi tlem, mi zinga hnam hrang awm hi ‘Hnam lak tla’ an ti.
eg: Lusei leh awze hnam inkara mi, Lusei zinga awm ve si te hi ‘Hnam lak tla’ an ni.
Hmul phurh chhia – Mi hmel bumdeuh hmul nghah tak.
eg: A ‘Hmul phurh a chhe’ ve ngawt mai.
Ha chang thial – Thinrim inseh ruh.
eg: ‘Ha chang thial’ nan zawng a te tham em mai.
Ha hawlh zawng – Remtihzawng, ngaihvenzawng bengvarzawng.
eg: Chutiang lam chu ka ‘Ha hawlh zawng’ tak a ni mai.
Hum sual dai – Mi pawi khawih palh/tihsual palh.
eg: ‘Hum sual dai’ palh changte hi zawng awm lo thei a ni bik ngai lo.
Huai kawm bawl – Mi duh ang duhpui lo, nuar kawi.
eg: Thian ho zingah ‘Huai kawm bawl’-in an awm ngai lo.
Hringhran – Mihring taksa ngei.
eg: A ‘Hringhran’-in Lal Isua kan hmu thei tawh lo.
Hnampui thu leh thliah – Mi, an thu zawm hmasa awm ang taka insawi a, an rilru laihlantir tumna.
eg: Ani hi zwng ‘Hnampui thu leh thliah’ a thiam a, mi ngaih dan a hre thei khawp mai.
I huanah kel a lut e – Kan chanvo leh kan thuneihna huang chhung emawa kan pawisawi thei thil leh tha lo lam chi lo awm hi.
eg: ‘I huanah kel a lut e’ engtin nge i tih dawn le?
Inmu leh ar -Inngeih lo, inhmelmak.
eg: Kan ‘Inmu leh ar’ a, kan inbe thei der lo mai.
Intuithlar – Pa leh fa te, nu leh fa leh mi dangte pawh inchhung khatna tichata inmihran.
eg: Anni pafate chu an ‘Intuithlar’-na a rei tawh asin.
In chem har – Inngeih lo, intai, inbe duh lo.
eg: ‘Inchem har’-a awm zawng a tha ngai lo ve.
Inkiltawih – Inthlahrung, tih tur leh tel vena tura tel tha ngam lo.
eg: ‘Inkiltawih’ tawh bik reng reng suh.
Khuavang ri kham sa – Ram emaw, mual emawa inrina tur remchang tak awm sa hi.
eg: Kan inrina atan chuan ‘Khuavang ri kham sa’ kawr khu kan ring mai ang chu.
Kutkem nei – Mi thil lak ruk ching .
eg: ‘Kutkem nei’ chu kawm suh ang che.
Kuttual leichham – Piansual emaw vanduai emaw vanga hna thawk thei lo.
eg: ‘Kuttual leichham’-te tanpui hi kan tih tur a ni.
Kawilam tlo – Thil tiha banna chang hre lova tlo tlut mai.
eg: Nizan kan inkhawm chu kan ‘Kawilam tlo’ a, kan hawn meuh chuan dar 12 a ri der mai.
Kel e awl – Kan tih tur min min han tihpui a, a neitu ber si tih tum ve ta lem lova awl hlauh hi.
eg: ‘Kel e awl’ ngawt bik tur a ni lo.
Kamchhe tleuh – Tul vang pawh ni lem lova mi han biak lum lam vel hi.
eg: ‘Kamchhe tleuh’ nan tak mi i hmang a.
Kut zala tla – Mi thil, a neitu awm lo leh rem tihna ni lova, mahni thu thua lo tih leh lo lak.
eg: A neitute awm loh hlana ‘Kut zala tlak’ maite chu a tha dawn em ni?
Khualpang zin – Zin satliah, zin mai mai.
eg: Ka lo ‘Khualpang zin’ ve mai mai a ni.
Kut sa lo hawi – Kut ni vang thlaa sa ei tur nei lova hrilhhai taka awm, tum loh taka hrilhhai taka awm.
eg: Tum angin thil awm ta hek lo le, kan ‘Kut lo sa hawi’ ta mai mai a nih hi.
Kut thak hnawih – Tiduhdah, duh hun huna kut thlak.
eg: ‘Kut thak hnawih’ nan tak a hmanga, a vel reng mai a ni.
Kel chal pal nawk – Kelin pal, awn deuhva a nek zawi zawi ang a, taksaa na lo deuhva mi emaw eng thil emaw nek zawi zawi.
eg: A nel bawk a,’Kel chal pal nawk’ takin a nawk a nawk mai a.
Khawthlang zai – Tap. (Naupang tap).
eg: E, ‘Khawthlang zai’ in sa leh ta a ni maw!
Kutkawih – Mahni thawhchhuah ngei.
eg: Kan ‘Kutkawih’ ve liau liau a nih hi.
Khauphar thawven – Engmah ni si lo, harh tak leh thawveng taka awm hi.
eg: Nang lah hi i ‘Khauphar thawven’ ve ringawt mai a.
Kel chawl ang – Thil thial leh ei reng mai.
eg: Kuhva hi a duh ve khawp a,’Kel chawl ang’ mai , a thial reng mai a ni.
Kawhmawh bawl – Luhlul, thu awih lo.
eg: Mi tha, ‘Kawhmawh bawl’ an awm ngai lo.
Khabe liam chang – Zarzo tuma chang/nghak.
eg: Hna a thawk peih si lo va, mi ‘Khabe liam chang’ reng rengin a hmanhlel a ni ber.