Vanneihthanga Vanchhawng for MSR
Tunlai hian Sialhawkah kan ram dinhmun tarlanna, thlarau lam zekhel nia sawi an awm mek a, nimin khan Biakin tualah zu leh sa chen angin zia an khel a, social media lamah a darh chak hle. Sialhawk ze khel hi naktuk hian a kharna hun hman an tum niin thu dawn a ni.
Sialhawkah hian IKK Kraws Sen atanga hming thar invuah Jerusalem Thar Isua Krista Kohhran inti an awm a, naupangte nen vek member 50 vel niinan inchhal. Ze khelh lam hi an tanna a rei tawh viau niin an sawi a, tlang hriat erawh chuan tunhnaiah an lang chhuak chauh a. Zoram sualna leh tunlai thil awmdan te ze khelin Social media lamah pawh khawlai leh ram palailengah ze khela an mut dan chanchin a darh nasa hle tawh a ni.Nimin leh nimin piah lamah pawh zu lem siamin wine shop leh card khelh te entirin chutiang chuan hun an hmang chho a, naktuk Thawhlehni hian ze khelh kharna/tawpna hun Sialhawk khaw lunlai tak 'Pengpui" ah an hmang leh dawn a, hemi ni hian tunlaia thalai te awmdan ze hrang hrang an chang dawn a ni. Tlailamah Lalpa thu ang zel in ruai theh a ni bawk ang tiin an sawi.
Sialhawk khua a Zekhel te hi tleirawl te te an ni hlawm.
Post a Comment