MNF party chuan thuchhuah siamin, Mizoram PWD-in Seling-Champhai kawng siam chungchang an sawifiahna chu 2014-2015 PWD Annual Report nen a inmil lo niin an tarlang a, PWD insawifiahna chu rinhlelhawm an tih thu an sawi.
MNF tarlan danin, PWD-in October 11, 2017-a thuchhuah an siamah, Seling-Keifang leh Kawlkulh-Khawzawl kawng siamna tur sum chu December 29, 2015-ah sanction anga tarlan a ni. 2014-2015 PWD Annual Report phek 35-naah erawh chuan, Kawlkulh-Khawzawl siamna tur sum sanction ni chu November 20, 2015 (MoRTH letter no. NH-13012/42/2015 /MZ/P-8)) a ni a; Seling-Keifang kawng siamna tur sanction ni chu November 23, 2015 (MoRTH letter no. NH-13012/43/2015 /MZ/P-8) a ni thung.
MNF chuan, e-tender pawh sorkarin sanction an hmuh nà nia an sawi, December 29, 2015 hma, December 2, 2015 aá¹anga January 6, 2016 chhungin Kawlkulh-Khawzawl leh Seling-Keifang kawng atan chhuah a ni tawh tih ziah a nih thu an sawi a, "Hei hian sanction hun an rawn sawi hi dâwt a ni tih a tarlang chiang hleah kan ngai," an ti.
MNF chuan, PWD-in Seling-Keifang leh Kawlkulh-Khawzawl kawng siamna atana sum hmuh zat an sawi pawh rinhlelhawmah an ngai. An tarlan danin, e-tender-a a lan dan chuan, Seling-Keifang tender amount chu cheng nuai 1453.18 leh Kawlkulh-Khawzawl tender amount chu nuai 1392.15 a ni. Chutih laiin, October 11, 2017-a PWD thuchhuahah chuan, Seling-Keifang atana sanction zat chu nuai 1665.67 leh Kawlkulh-Khawzawl sanction amount chu nuai 1595.71 a ni thung.
PWD insawifiahna chuan mipui a barakhaih hle nia sawiin MNF chuan, "Kawng siamna tur MoRTH aá¹anga sum hmuhah hian thil dik lo a awm ngeiah kan ngai," an ti a; October 11, 2017-a PWD thuchhuah leh 2014-2015 PWD Annual Report inmil lo chu sawifiah turin PWD Minister an phût a ni.
Post a Comment