Aizawlah International band - Guns2Roses
December ni 8 khian Bawngkawn Fielda-ah Royal Stag Aizawl Rock Fest a awm dawn a, he hunah hian International band, Guns2Roses chu London aṭangin an rawn tel dawn. 
Guns2Roses hi GNR keh darh lai, kum 2002 khan London-ah din a ni a, member 6 an awm mek a ni. Khawvela tribute band ṭha ber pwlah ngaih an ni a, Guns N Roses nen kum 2006, 2010 leh 2012-ahte an lo tour ho tawh a ni.
Guns N Roses kan hria a, khawvela rock band hlawhtling ber zinga mi an ni. Mizoten rock band kan hriat lar ber pawh an ni hial ang. GNR hi American rock band niin, kum 1985-a indin an ni. Kum 1987-a an album tihchhuah 'Appetite for Destruction'-a an hla hit, “Sweet Child o Mine” phei chuan Billboard Hot 100-ah Number 1 a hauh rei hle a ni. 
GNR sawi chuan Axl Rose leh Slash-te rilruah a lang nghal a, anni pahnih hi band khaidingtu ber pawh an ni. Band member an kim lai hian khawvela album hralh hnem ber pawl panga ngawt an tichhuak hman. Heng albuma hla ṭhenkhat - Sweet Child O' Mine, November Rain, Welcome to the Jungle, Paradise City, Knockin' on Heaven's Door leh Don't Cry-te chu a lar vet vet hle.
Guns2Roses Mizoram TourAmaherawh chu an hlawhtlin vanglai takin band-in harsatna an tawk chho a, kum 1990 khan Steven Adler an hnawtchhuak a, a kum leh 1991 kha Izzy Stradlin chuan band hi a chhuahsan ve leh bawk. Kum 1993 khan an band member pawimawh ber pakhat Slash chuan a chhuahsan veleh a, hemi aṭang hi chuan GNR hi a kal mumal thei tawh lo a, Axl chiah hian a ho ta a ni. Kum 2016 khan Slash hian GNR hi a zawm thung. 
Guns2Roses hi Mizoramah an lo kal dawn a, kan tual zawlah ngei laichhuat chhirhonna hun a inhawng dawn a ni. -Vanglaini

Post a Comment

Powered by Blogger.