 |
H. LALCHAWIMAWII |
Zofate dam chhunga a hming dai tawh lo tur, a zai chuai ve thei lo, H. Lalchawimawii hi kum 1961 October ni 22 ah Darlung khuaah a piang a. A pa chu H. Thansiama a ni a, a nu chu Chhingnghilhlovi a ni. An unau hi mipa 1 leh hmeichhia 6 an ni. Fanu 2 a nei tawh. Khawthlang lam tlangdung velah chuan a larin, khawsak pawh a khawsa rei a. Pem ang tak tak chuan an la inngai lo na-in, tunah hian Khatla New Capitla Complex-ah an khawsa mek.
Kum 1984 vel daih tawh atang khan a zai hi Zoram dung leh vangah a lo lar tan tawh a. Tun thlenga hla lar la ni zui zel ; Luah loh lung di tih te hi a sa lar hmasatu a ni. I nui dun ang, I thar leh thin, Va kal ta la tih te leh thal Romei tih hlate hi a rawn lar chhuah hmasakpui deuhte an ni a.
Khawthlang lam atang hian zai mi an chhuak tha hle a. H. Lalchawimawii te, H. Lalthakima te, Lallianmawia Pachuau te, H. Lalrinkimi leh mi dang dang an awm. Heng zai thiam rualho te hi an inkawp nasa thei hle a. Khawthlang lam tlangdung velah chuan Zoram an denchhuah tak tak hma pawh hian nasa takin an lo lar fu tawh a ni.
H. Lalchawimawi hian Hla lenglawng leh Lengzem hla a sa tlangpui a. A hla sakte a lunglenthlakin, a aw-in a zir bawk a. A cassette siam pawh mite’n an duh hle. A hlate hi a zofate zingah a chul thei lo a ni ber e. 1976 khan Radio-ah hla a lo record tan tawh a, tunah chuan 180 vel lai a thun tawh. Khawhar hla lam pawh a sa thiam hle a. ‘Ka hawi vela e, Engkim mai hianin ka lung min len’ a han ti vawng vawng hi chu, mi tin mai hian an duh em em vek mai a ni.
‘Luah loh lung di’ tih hla hmanga 1986 vela lar chho chuan hriat a hlawh hle a. ‘Nun hlui hla tha’ tih - 1999 ah Vol- I atanga Vol-III thleng Cassette a siam bawk. ‘Mi pa pawh ni mah la’ tih chu 2002 ah a tichhuak leh a. ‘A pawi em mai’ tih chu 2007 khan a tichhuak bawk. Tunah pawh Fam ngaih lam hla siam a la tum ni awmin a lang.
Album 31 lai a siam tawh a, siam turin hma a la la mek zel bawk. Tun hma a\anga tun thleng hian hmun hrang hrangah zai tura sawm a la ni a, Sorkar lam leh pawl hrang hrangin an ko phar nasa hle. Awl hman pawh a la ni lo a ni ber. -Mizo Zaithiam Chanchin
Post a Comment