By: Vanlalsanga Tochhawng. - Khawbung.
Pathian nung ringtu kan ni a, kan rin Lalpa avanga kan tih theih chin a in ang lo țheuh va, kan tih tur lah a in ang hek lo. Mahse chuti chung chung chuan Pathianin min dahna zawn ațang țheuha amah kan biak chu a ngai si a ni.Pathian thu hrim hrim hi enge maw ti taka râu ruaia zuk ngaihtuah tur a ni lo va. Amah kan rinna chuan keimahnin lamah thu anei a, chu a thu anga ke pen angaih chiah hian tisaa tih ngai a lo ni tawh țhin. A awmzia takah chuan thu tisaa channa ramah zel chuan han en maia rau lo angin alang țhin a ni.
Pathian thu chuan, mi dangte tana malsawmna ni turin min ti a; hemi kawngah enge maw maksak taka va nih tum tur a ni hran lo. Bualin i chhuahsan dawnah te ținah tui awm lovin chhuahsan lo la, i zawha lut leh tan malsawmna ilo ni reng dawn tihna a ni.
Bazar tura kan chhuahna hmunah te hian, han enmai pawha pek awm ngawih ngawih kutdawh tam tak lo țhu i hmu țhin ang. Chung mite țanpui nana Rs10 lek i thlak pawh kha atam lo a sin. Heng mite berte chunga kan tih hi, Pathian chuan ama chunga ti angah min ngaihsak zawk a ni.
Mirethei țanpuitute hian Lalpa kan puk tir a, ka sawi thiam dan berah chuan; mi dang kan țanpui hian a pung awmin pawisa kan dah tihna ang vel a ni. Vawiin thleng hian keimah ngei pawn a ni. Bazar ka kal nikhua te hian kutdawh hnena thlak turin pawisa nawi inring sa in ka kal țhin.
A chang chuan pawisa neih sa nei mang lo a ka chhuah chang awm mah se, kan insem tlang a ni mai tihna rilru ka pu a. Han thlak mai kha a nambar lamah chuan tlemin lang mah se, tu a ni tih hriat loh hnena thlak chu uihawm ve țhin tak a ni a, mahse kha kha chunglamin a chhinchhiah reng a, thawh chhuah nei hauh silo hian ka thlak let chuang hian malsawmna in min vur let reng tho a ni.
Pathian chuan țanpui ngai kan țanpuina thiltih hrim hrim hi ani chuan ama tana ti ah minlo pawm sak vek a lawm le. Lal Isua chuan heti hian a ti. Kapa Vohbikte u, intana rambuatsaih chu chang rawh u ti a thiam a chantirte khan enge an tih kan tih chuan; țanpui ngaite an țanpui țhin vang a ni tih kan hria a ni. Eitur aneih lohin eitur anlo pe reng a, amah Isua an pe a nilo, midang tana an tih kha Isua tana ti an lo ni reng zawk a nih kha (Mat. 25:31-40).
Hawh u, mahni inhai vur nakawngah kan țhan rual hian chanhai leh miharsate, țanpui ngaite țanpuina kawngah hian i har thar leh teh ang u khai. Lalpa hnen ațanga kan dawnte chang tlang tura mi inphal apiangte hian chán zawk angin lang mah se, an lo chán reng reng lo hi a lo ni. Lalpa tana kan inpek nasat zawh pauh leh alawm ber chu nangmah zel kha ila ni ang.
Pathian tan engkim ti țhin rawh. Tah chuan van malsawmna chu a lo awm si a.
Post a Comment