Asian Boxing Championship 2017 khelh mekah world champion vawi nga ni tawh MC Mary Kom-i'n final a luh hnuah India nula dang Sonia Lather chuan semifinal a paltlang ve leh ta.
Asian Championship silver medalist hlui Sonia Lather hian Uzbekistan boxer Yodgoroy Mirzaeva lakah harsatna nei loa hnehna changin final a lut a, 57-kg category huangah hian China nula Junhua Jin nen gold medal an inchuh ang.
Thawhlehni chhun khan Manipuri boxer Kom-i'n Tsubasa Komura chu 5-0 a sawpin final a inhlangkai tawh bawk a, pakhatna ni tur chuan Korea nula Hyang Mi Kim a tukdawl leh a ngai dawn a ni.
Kum 34 mi Mary Kom chuan, "Hun rei taka ka chawlh hnua ka rawn kir lehna hmasa berah final ka lut nghal thei hi ka lawm a, hun rei tak ram tan ka bei tawh ṭhin, tuna ka tournament khelh pawh hi mimal hmingṭhatna tur ni loin kan ram tan a ni," tiin a sawi. -Vanglaini
Post a Comment