YMA rorelna sang ber dawttu, Central Coordination Committee (CCC) member-te nimina CYMA Hall-a ṭhukhawm chuan, YMA hmalakna tur chungchanga social media-a thu dik lo thehdarhtua an ngaih, Paristo Chakma (26) s/o Rangasur Chakma, Silsury, Mamit district lakah FIR thehluh an rel.
YMA CCC chuan, Paristo Chakma chu Zo hnahthlakte inpumkhatna tichhe thei zawnga thil ti-ah an puh a, "Chakma Autonomous District Council ṭhiah YMA General Conference-in a rel, kan unau Lai leh Mara-te tithlaphâng zawnga LADC leh MADC ṭhiah tel tum ang zawnga social media hmanga YMA-a puhna hi CCC chuan ṭha a ti lo tak zet. Dan loa din CADC ṭhiah a nih theih nana YMA General Conference-in a lo rel tawh hian dan anga din LADC leh MADC-te a huam tel lo," an ti. Paristo Chakma chu a rang thei ang bera mana a chunga action lak a nih ngei theih nan hmalak an rel a ni. -Vanglaini
Post a Comment