Aizawl:Mimal siam lehkhabu hralh tam ber record Pu Zoramthanga MNF President lehkhabu siam, ‘Mizo Hnam Movement History’ tih chuan ala hauh mek zel.
Kumin May thla lama tlang zarh EX-CM Pu Zoramthanga lehkhabu ‘A History of Mizo Nationalism Movement’ chu copies sing khat chhut a ni a, tlangzarh a nih hnu thla khat pawh a ral hmain copies 10000(Sing khat) bu khat cheng 150 zelin an hralh zo der a. A leitu zingah hian Mizo thalai an tam ber niin an sawi.
Mizo zirlai te tana tangkai ‘Mizo Hnam Movement History’ tih lehkhabu leitu tam ber hi lehkha thiam tam tak, sorkar hnathawk Officer lian te, Sakhaw Puithiam te, Mizoram Politics ngaihventute leh Mizo zirlai a bik takin Pol’ Science latu zingah an tam ber niin thu kan dawng.
Pu Zoramthanga lehkhabu ziah copies 10000 hralh zawh vek a nih hnu hian copies 5000 chhut belh leh a ni a, hei pawh hi a zo thawthang niin an sawi a, a hralhna man ringawt atang hian cheng nuai 10 chuang fe chu leichhuah niin an sawi.
He lehkhabu hlutna em em chu inremna thuthlung a lo lang inner line permit chungchangte hi a ni a, Mizoram sorkarna changtute hian Mizoram Peace Accord chu kalpui chu ni se, tuna Mizoramin buaina kan neih te hi sutkianin a awm ang a, Mizoram chuan High Court a hran hlakin kan nei bawk ang tiin lehkhabu hluttu pakhat chuan a sawi.
‘Pathian leh Kan Ram Tan’ tih tan chhana neia Party awm mek MNF party hian Pu Zoramthanga lehkhabu hralh kal dan atang hian, kum 2018 inthlanpui awm turah chuan Mizo mipuiin sorkarna an siam tir mai awm mang e tih rinna pawh a lian hle a ni tiin lehkhabu chhiartu leh ngaihventu pakhat chuan a sawi a. “
Hetianga mimal lehkhabu copies 10000 chuang hralh hi Mizoram-ah a awm khat hle a, lehkhabu siamtute hian copies 5000 an hralh chuan hralchhuak tam an inti viau thin a, hahipin an sawi a, copies 3000 chin hralh pawh hian hralh tam tunlai hunah chuan an inti viau laia Pu Zoramthanga lehkhabu ziah copies sing chuang hralh a ni ta mai hian, miten an sawisel leh an chirhtheh buai buai ai hian Pu Zoramthanga Ex-CM, MNF President hi Mizo thalai ten anlo ngaisang hle a ni tih alan chian tir hle a ni” a ti.
-Dingdi
Post a Comment