Mizo National Front A Sawrkar Dawn - Zoramthanga (Tualchhung Chanchinthar) - TIMES OF MIZORAM

Breaking

Home Top Ad

Post Top Ad

Mizo National Front A Sawrkar Dawn - Zoramthanga (Tualchhung Chanchinthar)

2018-ah kan sorkar ngei dawn - Zoramthanga

MNF president Zoramthanga chuan, an hun kal tawha hnam sipai te, party worker-te leh Zoram mipuite lakah tihsual leh tihfuh tawk loh an nei tih an hria tih sawiin, "Pawi ka ti tak zet a, vawiinah hian ngaihdam ka dil a ni," a ti a; kum 2018 Assembly inthlanah MNF party-in sorkarna an chang ngei dawn niin a sawi bawk.
Nimina Chawng­bawla Hall, Pukpui, Lungleia Lunglei North Bl


ock-1 MNF Conference leh SEDP training-ah thu sawiin Zoramthanga chuan, "Kum 2018 in­thlanah Pathian leh mi­puite zarah sorkarna kan chang ngei dawn," a ti.
Zoramthanga chuan, an tih fuh tâwk loh leh tihsualah fimkhur takin an kal tawh dawn tih sawiin, "Tihsual nawn kan tum tawh lo. Malsawmna kan dawnte pawh rualkhai takin kalpui a ni dawn a, chutianga kan kal theihna tur chuan kan constitution pawh kan siamṭha tawh," a ti a; intluktlang thei ang bera an kal dawn thu a sawi.
Nakkuma MLA inthlanah thawhpui party dang an nei dawn lo tih sawiin Zorama chuan, "Pathian rinchhanin kan mal din dawn. Mi ṭhenkhat hian BJP nen thawkho tur angtein thu an than tih kan hria. BJP hi kan thawhpui dawn lo, kan maldin dawn a ni," a ti.
MNF party chu an tihsualah an inhmuh chhuaha an sim theih nan Pathianin kum 10 chhung opposition party-ah a awmtir nia sawiin Zoramthanga chuan, "Chu bakah, kan hmelma Philistia ho hi an tlâwm hun min nghahtir a ni," a ti a; Congress party chu Delhi leh India state hrang hrangah an tlawm mek zel niin a sawi.
MNF President chuan, nakkumah MLA thlan a awm dawn tawh laiin, Congress party chu hnehna chan tum chêt­in an che lo nia sawiin, "Hmasawnna hna thawh a awm loh avangin mipui kan hnatlang suau suau a, hotupa lah chuan 'elsên hnatlang' a tih khum a. Kohhran ho lah chu 'Zu zawrh hi an ṭawngṭai chhanna' a tihsak a, an thil tihah hian malsawmna a awm lo a ni," a ti.
MNF thuchhuah chuan, nimina Pukpuia inkhawmah hian Lunglei North bial chhunga MNF party zawm thar mi 247 chu MNF President-in a lawm lut niin an tarlang. -Vanglaini

Post Bottom Ad