Tangrual pawl, Zoram Peo­ple Movement (ZPM) chuan thuchhuah siamin, ZPM din aṭanga thla pawh a ral hmain hma an sawn hle niin an tarlang a, "Mizoram district hrang hranga mipuite ṭawiawmna leh beiseina sang tak a dawng hian ZPM hnárkaitute chungah mipuiin rinna leh beiseina an neihzia a tilang chiang hleah kan ngai," an ti.

ZPM chuan, tun hnaia Mamit leh a chhehvel khuate tlawha ZPM hruaitu kalte chu khaw tinah mipuiin an lo lâwm a, an thusawite an bengkhawn ṭha hle niin an tarlang. 

ZPM Lunglei District Steering Committee hawnna hun hmanpui turin tukin hian Aizawl aṭangin ZPM hruaitute ṭhahnem tak Lunglei panin an kal. Aizawl leh Lunglei inkara khawtinah programme an nei ang. Hnahthial tlangdung tlawh kual nghal an tum bawk.

Post a Comment

Powered by Blogger.