Zoram Driver’s Union (ZDU) chuan nimin khan khan Mizoram pumah Road Safety Week vawi 37-na an hmang ṭan a, district khawpuiah a hawnna inkhawm neih a ni.
Road Safety Week hawnna hi Lungleiah chuan Venglai Traffic Point-ah neih niin, Lunglei SP J Lalṭhafamkima'n a hawng. Lunglei SP chuan, hunpui a hnai a, lirthei khalhtute, a bikin tleirawlte chu chesual lo tura an fimkhur a ṭul thu sawiin, kawngpuia himna chu Week chhung chauha hman tur ni loin, kumtluana hman chi a nih thu a sawi a, "Rûi chung leh document fel loa lirthei khalh, dan bawhchhiate chu dan anga hrem an ni ang," a ti.
ZDU hian kumtin Road Safety Week an hmang ṭhin a, kumina Week thupui chu 'Fimkhur la, nun chhanhim rawh' tih a ni.
Post a Comment