December-ah Mizoram State MMA Association (MISMA) professional fight night - TIMES OF MIZORAM

Breaking

Home Top Ad

Post Top Ad

December-ah Mizoram State MMA Association (MISMA) professional fight night


Mizoram State MMA Association (MISMA) chuan December 15 zan khian ‘International MMA professional fight night’ a buatsaih dawn a, All India MMA Association (AIMMAA) hriatpuina hnuaia fight neih turah hian Zonet Cable Pvt. Ltd. nen inremna an ziak. 

MISMA hian Mizoram Fight League hlawhtling takin an kalpui mek bawk a, MFL-ah pawh hian Zonet nen thawkdunin December 14 zanah hian MFL fight hnuhnung ber neih a ni bawk ang.

PUC Auditorium, College Venga fight neih tur hi a hmingah 'Grit' tia phuah a ni a, Dr. Jeremy L Pautu chu CEO niin JSJ FitPro-in an sponsor ang. Dr. Jeremy chuan, "Football pawh kan ṭhalai ten eizawn nan an hmang ṭan tawh a, MMA pawhin India ramah hriat a hlawh chhoh mek avangin ṭhalaite tan eizawnna tlakah a siam theih a ni," a ti.

MISMA technical chairman Samuel Lalrozama chuan MMA professional fight night nei tur hian hun rei tak chhung ruahmanna kalpui a lo nih tawh thu a sawi a, ram pawn aṭanga he fight hmachhawn tura lokal turte chu an ram federation-ten an phurpui thu a sawi.

Lawmman atana nuai thum chuang sen ralna tur fight night-ah hian Mizoin MMA professional fighter ka neih ṭhatte leh hmarchhaka MMA fighter langsarte chu hun pek an ni ang a, ram pawn aṭanga lokal fighter-te nen an inhmachhawn dawn a ni.

Mizoram State MMA Association (MISMA)


Inhmachhawn Turte

  • Jobair Ahmed (Bangladesh)vsLalremruata Hauhnar 

  • Rahim Xec (Portugal)vsXico Zorinmawia 

  • Md. Nabi (Afghanistan)vsTekashi Zorammawia 

  • Evariste T (Congo)vsDavid Lalrinzuala Sailo 

  • Yousafi Hazbullah (Afghanisan)vsSagnick Gupta (Assam, India)

  • Matiullah Sayedi (Afghanistan)vsAriestone Ryndongsngi (Meghalaya, India)

-Vanglaini

Post Bottom Ad