CONGRESS MLA 7 AWMNA LUNGLEI KHAWPUI NGAIHTHAH A NI.
.
Dt.4th Nov 2017 khan MNYF Sub-Headquarters Lunglei Vigilance Department chuan Pukpui to Tlawng inkar kawng siam a nih dan a enfiah a. Pukpui leh Tlawng inkar kawng hi ala chhe em em a. Congress kum 9 sawrkar a Black topping kawngah pawh kan tlan pha tawh lo hi MNYF Sub-Headquarters Lunglei Vigilance Department chuan pawi a ti hle a ni.
.
Mizoram Budget Speech 2017-18 atanga kan hmuh angin, Mizoram kawngpui siam/thawm that, cheibawl leh enkawl nan Rs.239.50 Crores dah a nih thu kan hmu a. Kum hmasa 2016-17 chhunga sum dah aiin 259% in a tam a. Hetih rual hian kawng lai thar nan leh hnathawh mek chhunzawm nan Rs.657.64 Crores dah a nih thu pawh kan hria. hei hi kum 2016-17 a sum ruahman Rs.387.65 Crores aiin 70% in a tam bawk a ni.
.
Heti chunga Mizoram kawng pawimawh zawng zawng a chhe em em vek mai leh Lunglei khawpui kawtchhuah Pukpui to Tlawng inkar kawng leh Lunglei khawpui chhung kawng a chhe em em mai hi a lungchhiatthlak hle a. Lunglei District, Congress MLA 7 te awmna, heti taka ngaihthah a ni hi MNYF Sub-Headquarters Lunglei chuan hriatthiam har a ti hle a ni.
.
Kawngpui chhia avang hian Gas leh Buhfai-ah Lunglei khawpuiin harsatna kan tawk mek a. Nitin a Motor khalh a eizawng leh Lunglei mipuiten he kawng chhia hi kan tuar nasa hle a. Kawngpui pawimawh zawng zawngte a rang thei ang bera thawm tha turin kan phut a. Khuarel chhiatna mawhpuh mai tawh lovin a tak taka hna thawk turin kan phut a ni. Kum 2018 MLA inthlanpui lo awm turah Zoram mipuite harhchhuaka Ram leh Hnam hmangaihna nei lo, kawngpui pawh enkawl zo lo hi sirah hnawl ngam tawh turin kan inngen a ni.
.
_____________________________________________________________________
ISSUED BY VIGILANCE DEPTT, MNYF Sub-Headquarters Lunglei
Post a Comment