Rimawi khawvel Mizoram-ah a larin ngaisangtu a ngah hle. Zo Rock tiin a lar hle a. Kum 1956 August ni 10 ah Khawkawn khuaah a piang a. A pa chu Lalnghenga Langel niin a nu chu Rodallovi a ni. A nupui Chingzahawihi a ni.Zirna lamah Class - X niin, tunah BSF-ah a tang mek. Hla 40 zet a phuah tawhin a hla phuahte aman a sa nghal vek. A cassette siam ‘Zo Rock’ tih chu hralh a tla hem hem hle. A hla zingah ‘Ni berin a lang’ ‘Jesse-a Rock n Roll’ tih leh ‘Ka rose p^r’ tih te a larpui hle. Mizoram Best Male Singer Award chu March 1993 khan MZI in a hlan nghe nghe. BSF (FRT band), 30 Bn. BSF; P.L. Mawpats HG 12-ah an awm.
Kum 1991 bawr vel atangin Mizo thalaite’n Zo Rock hi kan hmelhriat tan a, chu chu a album ‘Zo-Rock’ tih atangin a ni. Heng bakah hian album hrang hrang Gospel leh Gospel-lo pawh a pawlh chuaiin, 2005 khan Shillong tlang atangin a hla lar tak, ‘Zoramngaih hla’ tih awmna a buatsaih a. He hla phei hi chu Zonet-in Mizo Idol an buatsaih khan a tilar zual hle mai. ‘Zo-Rock Collection’ tiin, hla 12 awmna chu a buatsaih leh mek bawk.Amah hi Mizo pa tak mai a ni a. Mite’n pa an tiin an ngais^ng hle. A hla phuahte hian Mizo nih tinuam tur te, Zoram hmangaihna tur hla ril tak a phum ru thiam hle a. Zo hnahthlak ram danga khawsate pawhin Zoram an ngaihsan thiamna tur leh, Mizo nih tinuam tur khawpa hla a phuah chhuak te hi a hlu tak meuh a ni. Pa fel leh kawm nuam tak a ni. Mahni style neiin midang tih dan la chhawng lem lova zai mai chi a ni a, chu chu mite’n an lawm phah hle.
Post a Comment