– Zonteii Kholhring
Thuhriltu ropui leh thiam tak Joyce Meyer hi kan hre nual tawh hlawm anga hre lo pawh kan lo awm maitheia, ani hi American magazine lar “Time” in a, thusawi thiam, mite hneh thei (most influencial evangelicals in America) mi 25 a thlanchhuah zinga tel thei a ni a. Mite ngaihsan a hlawh hle a, a thusawi te leh a lehkhabu ziah te hi a larin mite hlut a hlawh hle a ni. Radio leh Tv programmes te host in a lehkhabu 50 chuang ziah te avangin Best selling author a ni bawk. A thusawi te leh a lehkhabu te hi Mizotawng pawh a lehlin te kan nei ve nual tawh a ni.
A pian chhuahna hming chu Pauline Joyce Hutchinson niin kum 1943 khan South St. Louis ah alo pianga. A nun hi a harsa ve hle thin a, hrehawm tam tak alo paltlang tawh a. Chung zingah chuan ama pa (father) ngeiin a naupan lai a a lo khuaikhem (sexually abused) thin na te, a pasal hmasa lak atanga hun harsa tam tak te lo paltlang tawh a ni a, ruihlo zunah te lo uaiin heng zawng zawng hi a paltlang mai ni loin a hneh a ni. Tuna a pasal Dave Meyer nen hian kum 1967 atanga tun thlengin an la innei ta ani.
A chanchinah hian sawi tur tam tak a awma, a testimony te leh a rawngbawlna ropui tak te, a thusawi ropui tak tak te pawh a ngaihnawm hle rualin, tunah chuan a naupan laia Sexually Abused anih dan chungchang lo chhui ila. Apa hi a pian hnu lawkah sipai a inpe ni in World War II (Indopui II) naah a kal nghal a. Joyce hian a sawi danin apa a rawn let leh chuan a sual em em a, a khawih ta thin ani. Hei hi engtik atanga in tan nge? tih an zawhna ah chuan, a hriat theih tirh atangin anih thu a sawi a, a len telh telh chuan a dan te dangin, a zual telh telh ta nia a hriat thu a sawi. Apa hi zu nasa taka in mi niin, Joyce Meyer hian khatianga a tih thin nachhan chu a hriat loh thu leh engemaw apa nunah chuan a thleng anga, chuvang a sual ta em em anih a rin thu a sawi.
Anu in a hriatpui lo mi? tih zawhna ah chuan Joyce hian anu chuan tanpui ngaihna a hriat loh thu a sawi a. A nu chu kum 17 anih in apa nen chuan an innei a, ala naupangin a la finglo ve hle a, thil han tih dan leh hma han lak dan a hrelo hle a ni. Kum tam fe hnuah a nu nen hian tlang taka he thu an sawi leh naah chuan anu chuan tihngaihna a hriat thin loh thu a hrilh tawp a ni. Chu mai bakah Joyce chuan, “a hunlai kha tun anga abuse te sawi chhuah ve zung zung na chi la ni loin, tunlai hun nen chuan a la inang lo hle ani” a ti a. Amah tanpui thei mi va hrilh tur an awm loh thu leh, a awm chhun mi tlem te pawh chuan in rawlh an duh loh zawk thu a sawi a. Mahni chauh a tuar chi, miin an hria ang tih hlau taka tuar ngawt ngawt mai chu a tih theih awm chhun anih thu a sawi.
Kum 2005 a Larry King an a kawmna ah chuan anu leh pa te chu mak tak maiin tun thleng maiin an la inneih thu a sawi a, kum 3 leh chanve kalta ah chauh apa chuan a thiltih te chu a pawmin ngaihdam a dil theih chauh thu a sawi. A pa chuan kum 3 leh chanve kalta ah chuan pian tharna chang ve in amah ngei chuan a baptist thu a sawi. Mahse, apa chuan pianthar a duhna chhan chu meidil tlak a hlauh vang chauh a ni a, a thil tih ah chuan inchhir na tak tak nei lo niin Joyce chuan a sawi a. A chunga a thiltih avang khan tih tak zeta inchhirin ngaihdam ala dil loh thu a sawi a ni. Mahse, a nu leh pa te enkawl chu a tih tur ani tih hria in leh pathian in a thinlungah hmangaiha ngaihdam theihna pein hmangaih takin a enkawl ani. Tunah hian a pasal nen fa 4 neiin hlim takin an awm a, Joyce Meyer hian, heng a thil tuar zawng zawng te hian a nunah chuan effect nasa tak a neih thu sawiin, heng avang tak hian Pathian nena relationship (inkungkaihna tha) neih a pawimawh zia a hriat chian thu a sawi a, “Pathian chu kan nun chhhungril min hretu, kan rilru chhungrila damlohna lai te min thawi dam sak thei tu ani” a ti.
Post a Comment