I hmuh turte :-
1. British min awp hun lai khan Mizoram ah Fort 4, Fort Aijal, Fort Lungleh, Fort Changsil, leh Fort Tregear, Darzo te hi Sap ho khan an siam a, Darzo Tlang ah hian Fort Tregear ( Tamita Kulh) ruangam hi hmuh theihin tun thleng hian a la awm a ni.
2. Mizoram History a dai tawh lo tur, Pi Zitiri sulhnu, a sikul din leh a In hmun te hmuh theihin a la awm.
3. Mizo hlaphuahtu ropui Pu Liandala Sulhnu, a sikul hmun hlui leh a In hmun hlui a Pu Liandala hriatrengna a tana YMA ten Pu Lianadala In ang chiah an sak leh te han hmu ve la, i in chhir lo tawp ang le.
4. Darzo tlang mawi leh nuam tak mai,phul hring dup mai leh a vel ngawpui hring dup mai, chhura rual mai pawh ni lo,chhura pi rual zet ni tawh tur ten an hual vel dup hi rawn thlir ve la,khawpui ri bengcheng nuai nuai kara nitin hun hman ten rilru engthawl lo leh rilru hahna tamtak an thlen țhin che kha a hnawt bo ve ngei ang. Rilru hahdam takin Siamtu ropui zia leh themthiam zia i chharchhuak ngei ang.
5. Khawchak lam in hawi leh deuh a nga,kan pi leh pu ten thlang an lo tlakna lam Burma ramri thlenga tlang dung in khawh paw zui mai i hmun chuan i lung hluite pawh a leng ve ngei ang le.
6. Tlaizawng par mawlh mai hi hmaih phal chi a ni mawlh lo. "U a ma" thla kan lo thleng leh dawn ta ruai mai. Darzo khua ti mawi em em tu, Tlaizawng par vul lai hi a hmun ah ngei lo kalin lo thlir ve teh. Lalpian hun pangpar a vul leh ta tih hla leh Tlaizawng par in hmeh zia hi i hre ve ngei ang.


Kan sawi seng lo. A hmun ngei ah lo kal la, RAWN TEM VE TA CHE

Post a Comment

  1. Darzo hi khaw lungrual tak in nih hmel ka ti. Khawi Dist nge? In engzat nge, eizawnna tlangpui te hriat a chakawm hle mai.

    ReplyDelete

Powered by Blogger.