I KAWTKAIA BAWLHHLAWH AN PAIHSAK DAWN CHE
HELP WORLD SANITATION PILOT PROJECT HAWN A NI TA
Lungleiin hma a sawn zel nan mumal taka self help group mi thahnemngai ten an din Help World chuan an Pilot project - Sanitation chu Murrays Kitchen ah Zirtawpni khan an launch a, Pu Lianchama Chhangte President MJA chu he Pilot Project hi a launch a ni.
Inkhawm hi Tv Vanlalliana Pachuau Organising Secy in a kaihruai a, Secy Tv R. Malsawmkima'n Report pein Launch a nih hnuah Tv C. Lalneihkima'n interaction hun a kaihruai a thingpui inho a nih hnuin launching programme zawh a ni.
Tv R. Lalneihkima, MSW chuan Help World Chungchang sawiin, "Self Help Group hi 100 chuang ka dinpui tawh a, Mizo ten kan hmuhdan hi a dik tawh lo va, sum dawnna tur atan kan din a, hei vang hian a zuzi fo thin. Self Help group famkim lohna zirchian a nih hnuah thawm thain tum bulfuk tak neiin he Help World hi kan din ta ani," tiin a sawi.
Secy Tv R. Malsawmkima hnen atanga report ngaihthlak danin he Pilot Project hnuaiah hian Lunglawn to Bazarveng Main Road bik focus phawt a ni a. In leh Dawr 200 ah survey neiin mi 140 in bawlhhlawh paih hi an duh a, anni hian kar khatah Rs 25 bawlhhlawh paih manah an chawi dawn a, Help World hian Bawlhhlawh bawm a thlawna pe in karkhatah vawi khat bawlhhlawh hi an lakkhawm sak thin dawn a. An kawt kaia bawlhhlawh bawm an lo dah chu Help World Sanitation staff ten an collect thin dawn a ni.
Help World Vice Chairman Rosangliana Khiangte, Research Scholar chuan Help World chuan mi retheite tan eizawnna siamsak an tum tih sawiin he sanitation programme hi Help World hmalakna hmasa leh pakhatna mai a ni a, a lo hlawhtling viau anih pawhin hlep te chu mimal hlawkna atan hman an tum lo tih a sawi a, project dang kalpui zel an tum tih sawiin an hmalakna te chu uluk taka an zirchian hmasak thin thu a sawi.
Help World hruaitute chu
Board of Directors
Chairman - C. Lalneihkima (Zofa H Chhangte) MSW
Vice Chairman - Rosangliana Khiangte, Asst Prof HATIM
Secretary - R. Malsawmkima
Asst Secy - Jacob Vanlaltana, Lect Polytechnic
Treasurer- Lalhrilliani Pautu
Asst Tre - Bethsy Lalrinsangi
Org Secy Tv Vanlalliana Pachuau
-Lunglei Chanchinthar
Post a Comment