 |
| Representational |
All Mizoram Womens' Federation (AMWF) chuan nimin khan NLUP Conference hall-ah kohhran leh sakhua lama hmeichhiate dinhmun zirhona leh sawihona an buatsaih.
Seminar kaihruaitu AMWF president Dr Jane R Ralte chuan, Mizorama kohhran leh sakhuaa hmeichhiate dinhmun zir chianna aṭanga an hmuh dan chuan, kohhran ṭhenkhatah mipa leh hmeichhia hnathawh inangah hlawh leh hamṭhatna hrang hrangah danglam a a awm nia a lan thu a sawi a, "Kohhran ṭhenkhatah chuan mipa leh hmeichhia dinhmunah danglamna a awm lo," a ti.
Kohhran ṭhenkhatah chuan thuhril rawngbawlna, sunday school zirtirtu ruat leh committee péng hrang hranga awm tur inruat danah mipa leh hmeichhiate thliar hranna a awma a lan thu a sawi bawk.
Seminar-ah hian Aizawl Theological College-a professor Lalnghakthuami'n sakhaw lehkhabu thianghlimte'n hmeichhiate an tarlan dan tlangpui a sawi a; mi dang pathumin paper an buatsaih an sawi bawk a ni. -Vanglaini
Post a Comment