mizoram governor leh footballSecurity force-te tana Goodwill Football Tournament hmasa ber chu vawiin chawhnu khan AR Ground Lammualah a kharna hun hman a ni a. Mizoram Governor Lt. Gen. Nirbhay Sharma PVSM, UYSM, AVSM, VSM (Retd.) chu Khuallian a ni.

MIZORAM GOVERNOR-IN FOOTBALL TOURNAMENT KHARNA HMANPUIGovernor Lt. Gen. Nirbhay Sharma chuan security force-te inkarah thawhhona tha awm se a tih avanga he football tournament hi ngaihtuah chhuak a nih thu a sawi a. Football tournament tluang taka zawh fel a ni thei chu lawmawm a tih thu sawiin, bul tanna tha tak a ni a ti a, kawng hrang hrangah pawh thawhhona tha a awm ngei a beisei thu a sawi. Ram ralmuang tura security force te hnathawh chu fak a phu tiin, kan thenawm rama thil thleng mek laka kan fimkhur erawh a ngai a ti a, harsatna hmachhawn thei tura kan inpuahchah a ngai a ni, a ti. 

He kharna inkhawm hi Sports & Youth Services Jt. Director Pu John Tanpuia’n a kaihruai a, Pu Zothanmawia, Director, Sports & Youth Services chuan report pe in, lawmthu sawina in hun a khar a ni.

MIZORAM GOVERNOR-IN FOOTBALL TOURNAMENT KHARNA HMANPUI1st Goodwill Football Tournament for Security Forces-ah hian team 6 an tel a. Mizoram Police atangin team 2, Assam Rifles 1, BSF 1, CRPF 1 leh Mizoram Home Guards atangin team 1 an tel a ni. Final-ah Mizoram Police Red Team leh Assam Rifles 23 Sector te in tum in, Mizoram Police Red Team 3-0 in an chak a a ni. Best Goalkeeper – M. Wangpan (HQ 23 Sector Assam Rifles), Top Scorer – Lalbiakhlua Mizoram Police Red leh Best player V. Laltanpuia (Mizoram Police Red) te’n an la a ni. -DIPR

Post a Comment

Powered by Blogger.