Keini Thian ho lah tlawngawl tak leh Lui kal nuam ti em em kan nih a vang in June 5 .2 2oo5 . DAR 12:30 chuan keini thian Pariat ngawt chuan Bunglian khua chu kan pan ta a.
Kawng a chhia in tlan chhung a rei duh ang reng khawp mai a, tlai lam khua a thim tep thet thet tih ah kan thleng hrama, keini thian ho hi Mipa 5 leh Hmeichhia 3 kan ni a, tet te a tanga in kawm in nel leh in pawh em em vek kan nih piah lamah kan zinga Pa 4 te hi Inngaizawng mek an ni nghe nghe.
Hmelhriat dang nei ta lemlo chu Thianpa Remtea te in ah chuan kan vai in nghah ta rawih a. An ni chhungkua hi pathum lek khawsa an ni a, a nu leh pa nen chauh a awm in pianpui unau pawh neilo ga mal ani. Mi an lo dawngsawng tha in min duat thiam em em a,an fel in thlenin nuam tak niin ka hria.
Kan thlen zan chuan kan chau bawka Chaw te kan eikham hnu rei vak lo ah kan mu nghal mai a,a tuk ah Remtea ho a luia kaltur kan ni. Kan lui kalna tur hi Siakring Lui niin khua a tanga hla ve tak ah ani.
ZIng khua a lo vara kan nula ten eirawng an bawl malh malh a, mipa ho erawh tihtur vak a awmlo bawka Remtea te khua Bunglian khua chu Remtea ho chuan kan fang kual a,a khawthleng a zau tha in in hmun rem tak tak vek ani mai in ka hria, hmun hrang hrang a in zar pharh lo in a hlawm deuh in an awma,rei lo te ah khua chu fangchhuak dap in kan kir leh ta a . Chaw ei an lo peih diam tawh a Chaw ei nghal mawlh mawlh in chaw eikham chuan kan in siam nghal a Siakring Lui lam pan chuan kan chhuak ta nghal a.
Ka sawi tawh ang in kan Lui kalna hi khua a tang in a hla angreng phiana hmeichhe awm nem tan phei chuan chauh na tham a tling ve reng mai, mahse kan kal dan tur hi riak a kal tur kan ni. Zanhnih emaw zanthum emaw riaktur hisap a kal kan ni a, heimi vang pawh hian kan hman hmawh lem lo a, Remtea chuan hma hruai in a dawt ah kei ka kal a an khaw lui ho chanchin te sawi in tuna kan kalna tur hi tu mah an kal ngam ngailo a a tam ngawt ka ring a tih lai chuan engvangin nge an kal ngam ngai loh a? Ka lo ti vat a
" Hman deuh khan kan khua mi pawh nilo kan khaw thenawm a mi Siakring Lui a kal chu bo in an zawng hmu zo lo a tun thleng pawn a ruang emaw pawh hmuh a la ni lo. A hnu kum fe ah pa pakhat Lui kal in a hmu a ni awm e, chupa chu thah tum in a lo bei chiama amaherawh chu a thah hma in a rawn tlan chhuak thei hrama a hliam nasa hle thung. Chu ta tang chuan tu mah an kal ngam lo ta reng a, mahse hman ni deuh a tang khan kal an awm leh ta zeuh zeuh a engmah an hmu tawh lem lo"
Hmeichhe ho chuan hlau in sawi tawh lo tur a an lo ngen hlawm a vang chuan a sawi zawm duh ta bik lo a, kei lah hre chiang chak in ka'n zawt lui chhena kan nula ten an hlauh em a vang chuan thil dang min sawi pui ta daih a.
A hma zawnga ka phur teh reng nen ka phur lo zo vek, thil enge maw tak thleng dawn in ka hre tlat pek a,ka sawi chhuak lem lo na a ka rilru ah thil dang a awm thei meuh lo. Tun hnaiah mi kal fo awm in engmah an hmu ngai lo Remtea pawn chu chu hria in min hruai a ni si enge maw thil thleng thei awm se min hruai dawn em ni? Hmeichhia an tel leh nghal. Ka ngaihtuahna dawih tak a ta in thing harh in a hlauhawm zawnga ngaihtuah loh ka tum ve ta tlat a.
A hla bawka,zing chawei kham a kal e ti lo chuan lui kan thlen chu ni pawh a chawhnu ruih tawh, khua a tlai hma in riahbuk te sual in kan zawh meuh chuan khua a thim ti tih der a.LUI kam rem lai ah riahbuk chu kan siam a.Kan nula ten eirawng an bawl a a then in Sangha tam na lai zawng in Lui dung kan zawh a. Remtea sawi ang tak tak in kal an la tam lo bawka Sangha pawh a tam hmel in kan phur tlang hle a, a tuka kan Li vuak tur pawh kan riahbuk a tanga hla lo te ah kan hmu nghal mai a. Tun tuma kan Sangha man tum dan hi Hlingsi rah a vuak kan tum ani. Remtea'n Hlingsi rah hi an huan a mi ken mai theih in a lo Lo sa diam a chu chu kan keng a . Vuak tur kan hmuh takah chuan khua a thim deuh tawh bawk nen riahbuk lam kan pan san leh ta rih a, kan riahbuk bul chiah ah hian Li lian ve deuh awm in chawei hma in In bual pah in kan cheng hlawma a nuam kan ti in ka phur tlang hle a .a then lah ring tak tak a khek chiam chiam in a then lah an nui awr awr a Lui dung chu kan thawm chuan a luahkhat vek hial ngei ang tih tur khawp in nuam kan ti tlang bawk a kan thawm a tha na ngiang mai. Kan inbual zo a chaw kan ei ta nghala. Chawei kham chuan buk kawtah meipui chhep in kan thut bial thap a, a then Inkuah rial a thu in kuahtur nei ve lo ho chu mahni a thu tlawng in kan ti ti tui hlawm hle a, an tawng ngaithla in a sir ah ka thu a, khat tawk in ka lo zawm ve zauh zauh bawk a, ka zun a chhuah em a vang a zung tur a tho in kan thutkhawm na piah deuh hlek lam chu ka pan phei a.
Thim chin lai ka thleng a, zun ka tum lai chuan thawm ka hria in ka phu zawka vaukam thim chin mei eng chhun phak deuh lai ah chuan mi pakhat lo ding ka hmu ta.ka ding chawt a, ka thian te lam kan hawi let a min ngaihsak lo tak in an lo nui bawk bawk hlawm a,ka awm na lam an lo hawi lo hrim hrim nen engmah an hmu ve lo tih ka hriat chuan Chupa awm na lam chu kan en leh a mahse, engmah ka hmu ta hauh lo ka hmusual em ni zawk? A tir a tanga ngaihthat loh na ka neih a vang leh ka rilru a enge maw thleng tur a ka rin tlat vang in ka hmusual a niang tiin ka zun zawh chuan thiante awm na lam chu ka pan phei leh ta a.
Ka Hmu sual a nih rin na nei mah ila ka awm a nuam thei ta hauhlo. Hmeichhe ho in an hlauh dawn em a vang in sawi chhuah chi niin ka hre bawk si lo,sawi lo in ngawi ta reng ila enge maw thleng ta si se la , ka rilru a insual buai in hlim taka an zai lai chuan ka thu ngawi renga, ka awm dan chu mak an ti ta deuh a niang ka lungleng emaw tiin min tih hlim phet an tum hlawma, Remtea chu thut hnai sauh pah in ka ti ti pui ta daih a.
" Remte In Khua chu Lui in nei nuam hle mai, Siakring Lui em ni khah kan kal na hi?"
" Aw ni e, nuam i ti meuh maw, i awm dan ah lah nuam i tih loh hmel hle si,"
" Nuam ka ti lutuk, a Lui hming put chhan hi enge ni reng reng"
" Tun hma in he lai lui kam vel ah hian mi an cheng thin a An lal hming chu Suakdura ani a chu mi hming chawia an phuah a ni awme"
" Awi a in awm ang lo emai, Sangte in lo ti vat in kan nui dar dar hlawm a. " Tak tak a ka hre bik chiah lo Remte an tih leh chuan i hriat reng chu a In awm hliah hliah a lawm Suakdura hming chawia Siakring Lui tih te chu ka lo ti vat a.kan nui hak hak hlawma.
Kan awm na a fal tha in tuma mitmei ven tur a awmlo bawka ,a then inkuah riala thu in kan infiam nak nak hlawma a chang leh ring taka khek chiam chiam in kan nui bawk bawk a,a Then lah tial mawilo awi lawi zet zet in an zai chiam bawk a, kan hlim tlang in kan nuam tih zawng tak a ni bawk a kan thawm pawh a ring hle a.
Zan rei tak thleng meng in Buk tual ah meipui chhep eng hluah in mei rem dawn lamah chuan mut zai kan rel ta a.
Kan nula te chu a hrang in alai ah kan mut tir a An sir lam ve ve ah mipa a hran in kan mu bawka.
Kan chau tlang bawka kan mut hnu reilo te ah a then chu an hnar nghal bawrh bawrha,kei erawh muhil mai thei lo in ka awmdan chu mak ka ti tak zet. Hlauhna in min tuam mup mup a, Thil dang ngaihtuah luih tlat ka tum pawn enge maw thleng ngei dawna hriatna ka nei tlat a, chu thil a vang chuan ka ngaih a thalo zual tak zet. Ka chau ve deuh bawk a niang hriat loh karin Ka lo muhil ve ta mai a.
Hmeichhe au tuarh ri ah chuan ka harh chiang nge mai , Mawitei a lo ni a, a hlau thlabar thaw hlawp hlawp chu a Thiante pahnih chuan kuah in engthil nge ni tiin an lo zawt mawlh mawlh a. Nula pathum te hi alai a mu an ni a, an sir dinglamah mipa pathum mu in vei lam ah pathum kan mu a lui awm na lam ah kan ke lam dah in vau kam ngaw lampang kan lu lam hawi a mu kan ni a Kan riah buk lah a bang awmlo a ni a.a chung erawh mau hnah leh changel hnah te phah satliah ringawt a ni a. Mawitei chu kan thut bial laih a,a ni lah a hlau in a thlabar em em a, a khur hlawk hlawk bawk a, Eng thil nge tia kan zawh pawn a tawng mai thei lo a, Sangte in a awmah bei tir in a kuah a a hlauh tur a awmlo i bulah kan awm vek a lawm tiin a thlamuan mawlh mawlh a,rei fe kan buaipui hnu ah rawn zia awm in " Kutphah lianpui in ka hmai a rawn chul a ,ka harh zawk a hnaite ah mi pakhat rim chhe em em in min lo en reng a,ka harh ve leh ngaw lampang ah sawn a tlan phei daih a tiin thaw hlawp hlawp chung a sawi chuan makti tak in kan lo ngaithla thap hlawma. Tumah reng tawng pawh kan tawng tawh lo kan ngawi thap hlawm a. Remtea rawn tawng chhuak hmasa ber in " I hmu chiang em? Tiin Mawitei chu an zawt a. " AW hmu chiang e, a lo ti vat a ka hlauhthawn ruk na chu a takin a thleng ta ngei mai, ka thil hmuh kha ka sawi chhuak duh a ngem? Sawi chhuak ila a hma khan tinge i sawi loh tiin min dem vek hlawm mai lo maw? Sawichhuak lo in ka ngawi leh ta rih zawk a.
Mawitei thil tawn a vang chuan kan haw mai dawn nge ? Khua lah a var tep tawh tho a .kan awmdan tur kan sawi khawm nak nak a, engpawh nise khua a var tep tawh tho a, Khua a var ve leh Sangha vuak phawta riak tawh lo a haw mai chu tha kan ti tlang ta hlawma. Kan kalna a hlat tham em a vang in Sangha manlo a haw leh ngawt chu kan duh chiahlo hlawm ani. Thil pawi em em a thleng lem lo bawk nen .Amaherawh chu tu mah mut zai kan rel tawh lo. Buk kawt a kan meipui chheh rem vek tawh chu kan tuah eng tha leh a mei bulah thu in khua kan nghak var ta a. Rei lo te ah khua pawh a var zui nghal mai a. Khawvar chian fel ve leh kan riahna chhak lawka Li lian ve tak chu Hlingsi rah chuan kan vaw ta nghala. Sangha a lo tam em em mai a, Kaikuang leh chakai vel pawh kan man nual a. kan nula ho lah nuam an tiin an hlauh thawnna pawh a nep ta deuh a.
A hma lama kan sawi lan tak loh han tarlang leh phawt ila, kan thian za ho Hming chu Sangtei, Mawitei ,Nunpuii ,Manuna, Hriatkima ,Hluzuala, Rinhlua ,leh Lra (keimah) leh Remtea te kan ni.
Kan hlingsi ken chuan rin aiin a lo hneh thui ang reng phian a, Sangha leh Kaikuang pawh kan man ve fe tawh, Zing chawhmeh ang khawp lek phei chu kar lo ah kan man mai a, a then in chaw te lo chhum in Sangha pawh chawhmeh a tan kan siam nghal a, Kan vuakna Li bak a thlang lam a hneh chin chu kan vai kual a, Sangha Lian vak lo mahse a tam ve thawkhat bawk a kan man sa pawh a awm ve hnur tawh a, Nghalim ,Nghadawl, Nghahrah, Nghatun, Nghavawk thleng in kan man a, rin aiin sangha a awm chikim angreng phiana, Ngharul pawh pakhat kan man tel nghe nghe, Zing chawei dawn thleng kan vai hnu chuan K.g 7 bawr vel awm chu kan man tawh a, Tui nghahfim pah in chaw kan ei san ta rih a.
Chaw kan eikham meuh chuan tui pawh a fim tawh hle a, Li mawnga Sangha thi chhartur pawh a lang chiang hle tawh a, thenkhat laiah phei chuan an lo awm khawm a, nula ho lah la hmu ngai hek lo nuam an tiin an rak chel chul hlawm a, Zan lama kan thil tawn mak tak mai pawh chu tu mah reng in kan hre chang tawh lo, sawi chhuak lah kan awm hek lo.
Chawhnu Dar 1:00 vel a rik chuan kan vai kim thawkhat tawh hle a,kan sangha man pawh Kg 10 dawn a ni
awm e,Ngha dah a tam lutuk loh nan a tawp nan en chhuak leh hrim hrim ang u tiin mipa ho chuan kan enkual leh thuak thuak a, Nula ho chuan haw mai theih tur in mutbu leh thil dang vel an lo siam ve mek bawka.
Kan vuakna Li chu kei leh Remtea leh Hriatkima chuan en vel in a khat tawkin chhar hmaih kan hmu leh nawlh thn a, A mawng lamah Hluzuala leh Rinhlua leh Manuna te pathum kal in kan vai fe hnu chuan Manuna rawn chho in kan la chhar kimlo hle mai tih pah in Lensuah a a Sangha rawn ken chhoh chu a ti lang vu a, a hnung lawka Rinhlua rawn chho ve leh in a ni pawn enge maw zat a rawn man chho ve a, keini pawh chuan kan man nuala kan man sa dah khawm na lam ka pan mek lai chuan Lui mawng lam ah chuan aw rawl tawp a Hluzuala au ri kan hre ta thut mai le, Kan thil tih lai pawh tawp chawt in ngawirenga ding in kan in en hrek hrek hlawm a. Zan lam thil thleng a vanga ngaihthat tawh lo sa nen Hluzuala lah a mah chauh in a ni si
" Ka rawn chhoh dawn kha chuan ka hnung lawkah khan a rawn chho ve mai khan ka hria , Rinhlu an a tih chuan makti tak in kan lo ngaithla thap hlawma. Kan riah buk a nula pathum awm te lah hlauthawng em em in kan awm na lamah an rawn tlan chho nghal bawk a. Remtea chuan ring tak in Hluzual tiin an au vak a, Midang pawn kan ko ve sap sap hlawm a, Mahse thawm a reh vung vunga engmah hriat tur a awmlo. Remtea chuan a chesual palh te a nia nge i zuk enfiah ang u a tih chuan Hmeichhe ho chuan kan lo awm ngamlo an tih a vang in Manuna leh Rinhlu-an lo awmpuiin kei leh Hriatkima leh Remtea te chu Hluzuala awm na lui mawng lam chu kan pan ta a. Kan vuakna Li a tang hian sawi tawh ang khan rin aiin kan hneh thui a vang in vai thui angai ve hrep a, a mawng lam Hluzuala hian a en a ni ngei ang.
Ring tak tak in kan au a, kan pan thla ta zel a, Remtea kal hmasa ber in a dawt ah kei kal in Hriatkim an hnung a dawl a. Thui vak lo kan thlen chuan Remtea chu ding chawt in Kan hmalam chu a thlir ta kar a, A hawina lam Chu Hriatkima nen en dun ve vat in kan thil hmuh a vang chuan kan phu dun chiang kher mai. Ngawireng in kan ding ta reng a.
Kan hma lawk ah chuan Li lian vak lo awm in a kam lung bulah Hluzuala chu a tlu sawp nuai a, A lu bung chu a bul lawkah a awm bawka, Kan thil hmuh rapthlak tak a vang chuan huaisen a har angreng khawp Mi ruang chu ka hmu ve fo Lu bung erawh ka vawikhat hmuhna a ni tlat. Ka rap tak zet. Kei ang tho in ka thiante pahnih pawh chuan sawi chhuak lo mahse an rap ve hle tih ka hria, Hreh tak chung in kan hnaih phei hret hret a, Ram kal ngailo tih takah Chem lah Remte ken leh a dang pakhat bak kan keng si lo, Chempui hum ran chung in Remte an hma a hruai a , kan hnai phei ta zel a.
Hluzuala taksa chu thisen in a bual hneh hle a,a han bawihsawm teh chiam dan awm hek lo a bul vel chu kan thlek kual a tu tih nge ni ang? Hriatkima chuan a'n ti sap a, Remtea chuan nizana Mawitei hmuh kha a ni ngei ang. A chet dan a tang hian Chem hriam tak a nei a ni ngei ang a nghawngah a sat bung thei a nia a tih chuan Hriatkima chuan hlauh a vanga khur dar dar chung in haw vat teh ang u khai a ti lawi rat a, Nia hawh phawt teh ang u, muangchang lo in ka lo ti vat a tih theih dang awm hek lo haw vat chu kan tan a him ber tlat ani. Hluzuala ruang chu kan mut rem that tir a, Kan thian te awm na lam pan chuan hmanhmawh tak in kan kal chho ta nghal a.
Thui pawh kan kal hma in Buk lama kan thian lo awm te chu an rak ta chiam hlawma nula pathum awrawl tawpa au ri leh Manuna te rawng rawng ri ah chuan kan ding chawt hlawma Remtea chu Hmanhmawh ru tih pah in a tlan chho ta nghala A hnungah kan umzui dun nghal vat a.
Kan riah buk kan thlen chuan tumah reng an lo awm lo, kan han hawi kual a, kan din na tanga hla vak lo ah Manuna lo let reng kan hmu ta a,kan pan hnai ta vat a mahse Hluzuala ang chiah in a Lu a bunga a tlu sawp nuaiha, kan dinglam ngaw chhung lama Sangtei au ri kan hriat chuan Hriatkima chu rangtak in aw lo chhuahna lam pan in a tlan vata Sangte tiin a ko chul bawk a, Sangtei leh Hriatkima hi kum thum ngawt lo inzui ve tawh Inhmangaih em em an ni. kan thil tawn teh hrep chu a van rapthlak teh reng em! Lo kal ma lek ila tha tur mi pahnih ngawt in nun an chan ta. Ka in thiam thei mawlh lo,a tir a tanga thil thalo lo thleng tur hriat lawkna mak tak ka neih ka rinhlelh fo chu a tak ah ngei a thleng ta.khang hun pawh khan ka awm a nuam thei mawlh lo a nih kha,tun ah lem engkim a pawi zo ta.
" A mah ngawta kal tir chi em ni dawn tiin hmanhmawh taka Hriatkima tlan chu ka en zui renga Remtea chuan zui ve ang ti ni awm tak in a lu a lo bu nghat a. Hriatkima umzui kan tum lai tak chuan kan hnunglam pangah Mawitei au ri kan hre leh ta tlat mai, An tlan darh a ni tih hai rual a ni ta lo,a hnu lawkah kan din na sir vei lam pang ngaw karah chuan Nunpuii au ri kan hre zui leh ta nghal a. Rinhlua erawh a thawm emaw a au ri hriat tur a awm velo thung. Rinhlua hi Mawitei nen hun rei tak lo inzui ve tawh an ni thunga an ni tih loh hi chu Ngaihzawng nei lai kan awm lo thung. Remtea chuan Nunpuii au ri kan hriatna lam kawk in khalam ah khan tlan vat rawh tiin Mawitei rawn au chhuahna lam ah chuan a tlan ta nghal a .
Nunpuii awm na lam pan chuan hmanhmawh tak in ka tlan ve ta nghala, hnim pik tawn nawk nawk in a rawn au chhuahna lam chu ka pan ding tawp a, thui vak lo ka tlan hnu chuan a aw rawn chhuahna lai awm vel chu ka thleng ta a mahse Nunpuii hmel hmuh tur a awmlo hnimpik pe deuh hun lai chu a kalna lam a nih ring in ka zui ta zel a. Mumang a tan pawh a ka duhlo ber thil kan chungah a thleng chu a ni si a, tawnmang mai nise harh chhuaha engkim pangngai leh vek thei nise ka van ti em.
Nunpuii kalna niawma ka rin lam chu zui zel in thui fe ka zui hnu pawn thawm emaw hriattur pawh a awm lo.a reh tlawk tlawk ri ngawt a, kan thiante thawm lah a reh hmak bawk si Engtin zel awm dawn i maw? Hetih hunlai hian Chawhnu lam Dar 3:00 vel a ni tawh awm e.
Ka hah em a vang chuan thing lian tak bul ngheng in kan ding vang vang a rin loh tak in ka hma lawk hnimpik kar a tang chuan Nunpuii a rawn tlan chhuak a Ka phu chiang kher mai,ka bul a lo thlen chuan min kuah thlawp a ka awmah bei in a tap hawm hawm a,a khur hlawk hlawk bawk a,a thawmhnaw te chu hnim a tawn na lamah a thler deuh hnuang a. Ka kuah bet a. A hnung a chul pah in Manun hlau suh hei i bulah ka awm a lawm tiin kan hnem malh malh a.
" Lr khapa khan Manuna a sat a nia, Manuna a sat tiin a tap hawm hawm a,a hlauh em a vang in a khur hlawk hlawk bawka. Khapa a tih chu tunge nita ang? A hma lawkin Hluzuala a bei a A hnuah Manuna luimawng lamah Hluzuala a thah hnu khan lui mawnglam a awm tur awm tak a ni si ,Ngaw kar a tang in buk lam a rawn pan a nih hmel chu pawh nise a rang mah mah mi pakhat thil tih ni thei in a lang tlat lo.a tu a pawh chu lo ni se tinge keini kher ,midang pawh an kal ve fo tih Remte an a sawi si eng thil mah an tawk si lo. Han hlauh viau pawn awmzia a nei tawhlo. Bakah ka thian te nunna laksak tu chu tu pawh nise hlauhna ai in thinrimna in min hneh tawh zawk. Nunpuii chu hlau tak in a khur hlawk hlawk a,a tap deuh reng bawk a, reife ka thiam ang tawka hnema ka kuah hle hle hnu chuan a hlauhna pawh ziawm in A awmdan a pangngai chho ve tan a,thil thlen dan ka hriat chak em a vang chuan " Eng thil nge thleng a, han sawi teh " tiin ka zawt ta tawp a.
" In kal thlak hnu khan in lo chhoh ve leh haw thei mai tur in kan lo in siam a ,chutia kan in siam lai chuan ramhnuai lam a tang khan mi pakhat palian tak mai a Chem keng in a rawn tlan chhuaka .Manuna chu a rawn pan bik a, Manuna chu a Chem chuan a sat ta a kan tlan darh nghal ta vek a tiin a khur hlawk hlawk a, Lr engtin nge kan awm dawn Manuna kha engtin nge a awm,a la dam tiraw Hluzuala khawnge engtin nge a lo awm a tih zawm zat a. An tha e, hlau tawh suh engkim a tha leh vek mai ang tiin ka'n thlamuan tak na a pawi tur a pawi zo tawh si.
" Khawnge mi dang? Rinhlua khawnge ka'n tih chuan
" Khawnge an awm ka hre lo a hran theuh in kan tlan a lawm Rinhlua a um bik in ka hria,. Mahse engmah ka chiang tawhlo ka hlau lutuk a"
A sawi zawng pawn a hmelah hlauhna lang in a tawng khur deuh dar dar a, mipa tan pawh a rapawm thawkhat ema hmeichhe tan ngat phei chuan a hlauhawm in a rapawm dawn em ani.
Buk lam pan chuan kan kir dun ta a, khua lah a tlai tawh in engtin tak thim tham ah haw ang i maw, Kan thian te lah engtin nge an awm zel hriat a ni si lo. Rilru a kual nuaih a ngaihtuahna mumal a put theih meuh loh.
Buk kan thlen dawn chuan Nunpuii chuan ka hlau kal hmasa teh tiin min kal hmasak tir a. Buk a lang thei tan tih chuan kan ding dun chawt a.
Kan Riahbuk kawtah chuan Palian tak mai lo thu in enge maw a ei mual mual a, han en mai pawn chupa chu ransa ang mai ani,tun hma a mi bo an sawi an hmuh tak loh Remtea sawi kha a nih a rinawm. Thawmhnaw a ha miah lo bawk a Min hnung chhawn zawng a awm a ni a, tih theih dang awm hek lo ngawireng in hnim phen a tang chuan kan thlir ta renga.
" Sawpa saw a ni em?"
Nunpuii chuan a lu a bu nghat a, a khur deuh dar dar bawk a. Kan haw na tur kawngah a awm miau si Chem pui a nei bawk si pawng paw beih tawp chi a ni si lo rilru a buai duh angreng khawp mai, hnim buk phen a tang chuan kan thlir reng ri ngawt a, chutih lai chuan a thutna a ta tho chhuak in Manuna ruang chu thut chilh in a lo ei a ni tih a Thutna a ta a thawh chuan hai rual a ni lo. A tual thah chhan chu engdang a lo nilo mihring taksa a ei miau si. Kum enge maw zat ramhnuai a awm a ni a engdang eilo in sa hel hlir a ring a ni mahna.
Manuna ruang chu a hnuk rem tha a a thut chilh a a chem chuan a taksa chu hlep thla in a ei leh ta mawlh mawlh a,a Khat tawk in a thil ei lai tawp chawt in a hawi kual ruai a kan awm na lam te chu a rawn thlir leh vung vung thin. A ka leh hmui vel thisen a kai nuaih a,a sam buk tak leh a hmel Bumro tak nen a nelawm loh khawp mai.
Reife kan thlir hnu chuan a thutna hma lam pang a tang chuan hriatkima Leh Sangtei an rawn chhuak ta hlawl mai a, a hmuh ve leh a ding nghal vat a. Sangtei chu ring tak in a au nghal tuarh tuarh a. Hriatkima chuan Sangtei banah kai in ngaw lam pan chuan a tanpui ta nghala. Chuveleh thah ngei a tum tih hriat tak in rang tak in a um zui ta vat a. Sangtei hlau thlabar chu ring tak in a au chiam chiama an hmuh theih ta lo. Engtin tak awm ang maw ! Nunpuii banah vuan in buk lam pan chuan ka kai phei dawr dawr a, buk tual kan thlen chuan kan chem ken pakhat zawk chu ka zawngkual ruai a mahse ka hmu zo tlat lo. A hma a Hluzual au thawm kan hriat a Remtea ho a kan zuk kal khan Buk lama lo awm ho in Chem pakhat zawk hi an lo kawl ve a.sawitawh ang kham chem hi pahnih chiah kan kenga Pakhat zawk chu Remtea ken kha ani.hmanhmawh tak in ka zawng kual a, " enge i zawn? Nunpuiin a lo tih chuan Chem ka zawng zawng ve rawh ka tia kan zawng kual dun ta a. " A lo beih che u khan tunge chem keng ? Tia Nunpuii ka zawh chuan engmah a hriat loh thu in min chhanga. Chu tia kan zawn kual lai chuan Mawitei leh Remtea an rawn thleng ve leh ta hlawl a. Kan in hmuh chuan kan lawm tlang hle a. Mawitei leh Nunpuii phei chu an in kuah a an in pawm nawk nawk a. Remte an Sangtei au thawm kha kan rawn hre pha hman a enge thil awm zia tia min zawh chuan kan thil hmuh zawng zawng chu kan hrilh vek a. Chhantur in kan umzui ve nghal dawn nge kan haw san zawk dawn. Va umzui i la kan hmeichhia te hi an lo awm ngam awm si lo .lo awmtir pawh ni ila khawi emaw a tangin a rawn bei leh thut thei tlat si. engpawh nise thiante tan chuan thih pawh kan huam tur a nia lawm. Remtea nen chuan kan ngaihdan te sawi dun in umzui tha kan ti ta a.
Mawitei leh Nunpuii chu In lam pana lo han tlan haw tur in kan ti ta a. Mahse an pahniha haw an ngam tlat lo. Bakah khua a thim har tawh dawn bawk si lo. " Lo han haw pui la ka va umzui a nge! Tih pah in Remtea chuan min melh zauh a. Nilo e lo han haw pui rawh keimah zawk in ka va umzui ang kawng pawh kei aiin i hre zawk ka tih chuan ka bag ah khuan Torchlight a awm kha Khawilam ah nge nia a lo ti vat a. Nilo keimah zawk ka kal ang ka tih lai chuan Nunpuii chuan Sawlam saw a lo ti vat a. Chu veleh Remtea chu hmanhmawh takin Nunpuii kawh na lam a tlan in hmanhmawh tak in lo han tlan haw vat rawh u tiin Ngaw karah chuan a tlan lut ta daih a.
Naihtuahna a mumal thei meuh lo. Rilru fim tak put a ngai tih hria in Remtea Bag chu ka zawng ta vat a ka Hmuh chuan hai vatin Torhchlight chu ka la chhuak ta vat a Nunpuii leh Mawitei chu hruaiin khaw lampan chuan chak tak in kan kal ta nghala.
Thui pawh kan thlen hma in khua a thim zui leh ta nghal a, kan Lui kalna lah hi sawi tawh ang khan kal an awm ngai vak loh a vang leh tun hnai te a kal awm zeuh zeuh na chauh a nih a vang in kawng pawh a awm mumal lo a, Kal lam pawh khan Remte an hma a hruaia ram chingchang a hre hrim hrim zawk a Kawng mumal lo tak leh Sah chawp ah a ni kan kal ni. Kei lah vawikhat kal na chauh niin khua a thim hnu phei chuan kal lama kan kal na hnu hmuh a har em em a, kan rinthu in kan kal tawp tawp a ni deuh ber .
Khua a thim chiang tawh hle a, ngaw hnuaia awm kan ni bawk a kan Light neih chhun lah a eng tha lo bawk nen kan kal sawt lo hle a, bakah an tlanchhiat na lamah khan Mawitei chuan a ke a lo ti na bawk nen khat tawk in chawlh a rawt reng a. Kan hmanhmawh luat a vang in kan hamhaih zo nen etur emawtui emaw engmah ken na chang kan lo hre si lo. An chauh lutuk loh nan tiin an hah tawh em a vang chuan ka chawlhpui ta a. Reilo te bak chawlh pui ngam ni hek lo reilo te kan thut hnu chuan ka kalpui leh ta nghala kan kal leh dawn lai tak chuan
kan hnung lam ngaw kar a tang chuan ring taka Sangtei au ri kan hre ta tlat mai le, kan ding chawt hlawm a, beng chhi kar in kan ngaithla thap hlawm a, khat tawkin Sangtei chuan ka hming ngei mai lam in min lo au lawm lawm a,a aw chu a lo hnai zel leh nghal . Hlauthawng tak in kan in en thap hlawm a , kan lo nghak dawn nge kan kal zel zawk ang, Remtea nen Hriatkima nen an pathum in an ni mai thei a sin khapa kha that in an lo haw anga min lo um in min rawn au a ni thei, engpawh nise Sangtei chu a la dam ngei a ni. Kan lo nghak ta thap a ,kawng awm mumal lo mahse Kan Torchlight eng hmu in a zawn a rawn pan tawp a ni mahna.
Reife kan lo nghah hnu chuan Sangtei Aw chu rawn hnai zel in ka lo chhawn vat a Nunpuii leh Mawitei te hnenah chuan lo awm ula ka lo zuk hmuak a nge ka tia ka kal nghala,an ni lah chuan min um zui nghal vat a ,lo awm rawh u tih pawn an duh tlat loh a vang chuan Sangtei lam pan chuan kan let ho tlang ta a.
Thui vak lo kan thleng a Sangtei aw ngaithla in kan han ding leh rih a, rei vak lo ah sangtei chu ka hming lama au in min rawn ko leh ta a. ka lo chhawn nghal vat a kan pan leh nghal ta vat a kan in hnaih viau tawh tih chu a aw rawn chhuahna hnaih tawh dan ah a hriat a pen sawmhnih emaw emaw vel bak a nih a rinawm tawh loh.
kan hma pen sawm vel lek ah Sangtei hmel a rawn lang ta hlawl mai a, Ka Torchlight in kan en vat a a hmai vel chu thisen a kai hnuang a muangchang in kan awm na lam chu chauh hmel taka rawn pan in a tlu sawp leh nuaih thin, kan pan hnai ta vat hlawma a bul kan thlen dawn hnaih chuan thing ding kar a tang chuan kan Misuala chu chempui nen a rawn zuang chhuak ta thut mai a,Sangtei chu nam thlu thuai in a rawn kal pel a kan awm na chu a rawn pan ta a. Nunpuii leh Mawiteii chu ring tak a au in an khek tuarh tuarh a an tlan sawn ta nghala .
Ka hma pen thum emaw vel lek ah ding in kan in hmachhawn ta ran mai le, rum tak in min melh run run a a chem ken hriam hmel tak chu a hum ruh sauh sauh a, a ni chempui nen kei lah Torchlight nen chauh zep lo ah chuan a zamawm thlawt ani. A ni lah a palian in a beng ka chen awrh chauh emaw lek a ni leh nghal si .Nunpuii leh Mawiteii chu khawilamah nge an tlan ni hmuh tur an awm tawh lo.
Ngawireng in kan in hmachhawn ta reng a min rawn beih ve leh lo vuak tum in Ka Torchlight ken chu ka hum ruh sauh sauh a, zam hmel thup chung in hlau hmel pu hauh lo in a mit ah tak ka en reng bawk a . A kut ah a chil chhak pharh pharh in a Chem a hum a min hnai ta hrut a min sah a tum hle mai, kei lah ka hmanraw neih chhun hum ruh sauh sauh in ka lo in ring reng a. Chutia kan in veh hnaih sauh sauh lai chuan rin loh tak in a hnung lamah Remtea lo lang in a lu ah tak thing bung in a rawn hlap ta chawrh mai le,a te thawt a a awp nghal rawp a a bawk ta thlawp a mahse na tilo ang mai in a in let thawka rang tak a tho leh nghal in Remtea chu a pawmchilh ta nghala,chu veleh rang tak in ka tlan phei ve nghala. Remtea a lo bawh bet mek a va bawh thuah ve nghal in a nghawngah theih tawpa rek in ka kuah a Ka light ken chuan ka theih tawpa na in a Lu ah ka hem pawp a . A chak in tharum a lo ngah phian mai min nghawk leng ta dawrh a, kuah beh tuma ka'n hnaih leh chuan ka awmah na mang kheng in min tlawh ta pawp a ka leng dawrh a kan sir awih pang ah chuan ka tla liam ta a, a lo awih phihrit nek leh nghal ka lum ta chiam a, ka in sawh ri dawt a ka ding ta hram. Mahse ka taksa chu a na ngut ngut thawh ka tum a ka thei mai lo, ka lum thla kha hmunzawlah ka ding a lo ni hauh lo. Hnimpik karah ka lo tang mai mai zawk a lo ni.
Ka Lu a na in ka tukhum a thip vung vung a ka'n khawih chuan Thisen a lo chhuak hnem tawh hle mai .tih ngaihna dang awm hek lo ka kut chuan ka hup ta ngawt a. Thawh tum in ka'n bei ngiala ka ke leh mal vel chu hnimpik karah atang bawk nen ka tho thei der lo mai, ka Lu a hai em em bawk ka chau in ka tha a khur dar dar bawk nen ka mu ta hle hle a.
Ka mut vang vang hnu chuan ka chhak lam ah chuan Sangtei te thawt ri ka hre ta a .chumi hnu ah thawm a reh ta daih a. Uluk taka ngaithla kar in ka mu hle hle a mahse eng thawm mah hriattur a awm zui tawh lo.
Reife ka mut hnu chuan ka chhak lam hnim chu a rawn ri thla sun sun a. Ka zawnah chiah nilo in ka sir lam ah thawm chu a rawn hnai zel a tunah chuan beilet tur in tha rum ka nei tawh lo. Ka thih hun lo nghah tawp bak tih theih reng ka nei lo,ka chan chauh zia chu hria in ka mut dan ang ang chuan ka lo nghak ta tawp a. Ka lum na zawn khamah rawn chhuk lo in a sir lama rawn chhuk a nilo bawka Light eng a neilo bawk nen min hmulo ve thei bawk. Chu chiah chu ka beisei awm chhun ani tawh, a rawn hnai thla hret hret a ka zawn vel a thlen chuan a tawp ta chat mai le. Thaw dep dep a a thawm lo ngaithla kar in ka thi ngei dawn a nih hi ka ti hman hial tawh. Ka thlang lam pan in a chhuk thla leh ta zawk a. Ka thaw ta huai a, mahse eng hunah pawh rawn chho mai thei a ni tlat ka lu atanga thisen chhuak lah a tawp mai thei lo in ka chau takzet tawh
Chu zan zet chu ka tan zan lungchhiat thlak a va ni teh lul em, Ka che thei miah bawk si lo Mi dang ho lah engtin nge an awm tak? Khawnge an awm? Engmah hriat theih a ni si lo . Engmah eilo a Rei tak kan awm tawh a vang in ka chau hle tawh bawk nen, ka Lu a tanga Thisen chhuak a tam bawk si ka chau hle tawh mai a, dam chhuah emaw him taka IN thlen leh reng ka rilru ah a leng pha mawlh tawh lo,engmah ti thei lo in ka thih hun nghak in chulai hmunah chuan ka mu hlawm reng a ni si. Beiseina leh innghahna reng ka nei tawh lo, ka chunga thleng tur ang ang tawrh tawp huam in ka mu zawi ta reng a.
Rei fe ka mut ngai renga ka mut hnu chuan ka chau lutuk chu ka mit chhing in ka lo mu thlu leh sek thin a, In ti harh hram hram in chulai hmuna nikhaw hrelo a awma thih hlawm tawp chu ka tum lo hle a mahse, tih theih erawh ka nei tlem hle thung si, ka vanduaina chu a belhchhah zual dawn nge ka awm na thlang lam a tang a rawn chho thawm ka hre leh ta tlat mai le, A rawn chho leh ta ngei mai a thlang lamah min hmuh loh a vang leh ka thawm a hriat loh vang in a rawn chho a ni ngei ang. Thim hle mahse eng tel lo a kum tamtak a lo chen tawh na ngaw hnuai chu a bel hle mai chhun ang mai in engkim a hmu emaw tih theih ani.
A rawn hnai chho zel a ka awmna sir lama rawn chho niin a lang a chang phei chuan ka zawn ah tak a rawn chho ten ka hre thin.hmuntin rawn dap chho in min thah ngei a tum ruh hle tih a hriat ta hle mai. Min kalsan mai dawn lo tih ka hriat chuan chu laia awm reng chu ka tan a him dawn lo tih hria in dam ka la duh a nih chuan enge maw ka tih ve a ngai tih hria in thawm dim tak in thawh kan tum a ka ke chu hnim pik ah a in bat tang tlat mai a,ka tal vak chuan ka thawm a rawn hre ngei dawn si, chutia ka awm reng lah in a rawn thleng anga min that ngei dawn bawk si,a thawm lah a rawn hnai tial tial a Kan in hnaih tawh hle a harsa ti tak in ka thu chhuak thei ta hrama ngaihtuahna thar ka nei ta thut a. Ramhnuaia kum tamtak lo awm tawh ani a a fin lutuk a rinawm loh engtin emaw bum dan ka ngaihtuah ta a. Ka awm na bul lawkah chu lung lian ve tak a lo awm rem chang kher bawk nen Lung chu tih lum tum in ka kuai ta tang tang a a lo nghet phian mai ka tukhum kak pawh hi chu Lung a ka sawhna a nih ngei a rinawm.
Harsa ti taka ka beih hnu chuan a che ta hrut a chuveleh ka tha zawng zawng sawm khawm in ka kuai buk ta vat a, Pen sawm emaw vel lek in min rawn hnaih tawh ang tih ah chu Lung chu ka nem lum thei ta hram a, ka awm na chu a lo awih in pial tlep kham thui tak ang mai a lo ni Lung pawh chu a Lum thui khawp mai .a lum thawm reh hmak chhung pawh a rei ang reng phian mai. Chuveleh Lung ka lum zawnga ka lam pana rawn thawm chho tawp chat chu Lung lum na lam pan chu chak tak in a ri thla ta buan buan a. Ka hlawhtling tih ka hriat chuan ka thawveng huai mai Lung lum tawp na a thlen meuh chuan hun enge maw chen a awh ngei ang le.
Ka ke hnimpik a tang chu tih chhuah tum in ka tal ta chiama ka chhuak thei ta hrama, harsa ti taka ding chhuak in ka awm na zawn tak chu a kham hle tih hria in ka sir lam ah phei in ka lum tan tirhna lam pan chuan ka chho ta a, Ka thlen chhoh chuan haw na kawng zawng in ka'n kal kual leh a ka hmu ta hrama Ka theih anga chak in kal mah ila ka hliam a vang chuan ka kal chak thei der lo mai. Ka tlu sawp leh nuaih thin a darkar tam fe kawng ni awm a ka rin ah kal zel in ka tlu sawp ta nuaih a nikhaw hrelo in ka awm zui ta a.
Ka harh chhuah meuh chuan IN ah ka lo awm tawh a, rinloh tak a Nunpuii hmel ka hmuh chuan mak ka ti hle mai. An tlan chhia kha khaw lam pan in a Tlan a lo ni. Khua a thlen veleh Remtea Te IN ah tlan lut in thil awmdan a hrilh a, Khaw mipui te an lo thawk chhuak a lo ni. Kawnglakah min rawn hmu ta ani. Mawiteii erawh Thi a chhar niin kan thian dang te pawh tumah damchhuak zo an lo awm lo a ,Nunpuii nen chiah kan lo damchhuak a lo ni.
Tualthat tu Nunrawng tak Ramsa ang mai a khawsa hi zawng chiam mahse hmuh a ni lo thung, mahse mi tam tak beidawn hnu ah pasaltha mi hrat khawkheng Remtea pa chuan beidawng ve duh lo in a zawng char char a.. A hnu kum chanve velah a fapa that tu mi pa sarih ngawt nunna la tu chu a kap hlum ta ani.
Post a Comment