PM Modi a lo zin dawn
Prime minister Narendra Modi chu tun kar hian a lo zin dawn a, December 16, Inrinni khian Tuirial Hydro Electric Project, kawlphetha megawatt 60 pe chhuak thei tur siam chu a hawng dawn nia thu dawn a ni.
Thu dawn danin, PM Narendra Modi lo zin tur thu hi December 8, 2017 khan tihchian a ni a, Mizorama a chàm chhunga a tlawh turte pawh tihfel thawkhat a ni. Prime Minister lo zin tura inbuatsaih dan tur sawihoin December 8 vek khan chief secretary Lalmalsawma hoin sorkar mi pawimawhte an ṭhu khawm nghal.
Ruahman dan chuan, PM Narendra Modi hi December 16-ah Lengpui Airport a lo thleng ang a, chuta ṭangin helicopter-in Ṭhuampui Helipad a pan ang. Ṭhuampui aṭangin Lammual a pan ang a, Lammualah vantlang inkhawmah thu a sawi bakah, Lammuala inkhawmah Tuirial HEP a hawng dawn a ni. Inkhawm zawhah Aizawl chhuahsanin Meghalaya a pan leh nghal ang.
Post a Comment