CAPTAIN N M GUPTA TROPHY FOOTBALL TOURNAMENT CAPTAIN N M GUPTA TROPHY FOOTBALL TOURNAMENT : Assam Rifles leh Silchar District Sports Association tangkawp chuan January Ni 31 atanga February Ni 13, 2018 chhung hian 32nd Captain N M Gupta Trophy Football Tournament, Satindra Mohan Dev Stadium, Silchar-ah an buatsaih dawn.

He tournament-ah hian team 10 an tel dawn a, chungte chu Army Green, Mizoram Football Association, Assam Regimental Centre, Bihar Regimental Centre, Sikh Regimental Centre, Assam Rifles Shillong, Arunachal Sanskriti Sangha, Assam State Electricity Board, NE Frontier Railway leh Bangladesh atangin Cosmos Club te an ni a. Tournament hawnna hi January Ni 31 ah neih tur niin Assam Rifles (East) Inpector General, Major General Upendra Dwivedi chu Khuallian tur beisei a ni a. Final match hi February Ni 13, 2018-a neih tura ruahman a ni.

CAPTAIN N M GUPTA TROPHY FOOTBALL TOURNAMENT : Tournament in a tum ber chu infiamna uar lehzuala kalpui a ni a. He tournament bik hi kum 2011 khan tihtawp niin kum 2016 atang khan buatsaih leh a ni a, mipuiin an hlut hle a ni. DIPR

Post a comment

Powered by Blogger.