mizoram police recruitmentMizoram chuan November 30, 2017 aṭang khan director general of police (DGP) nghet a nei hrih lo a, tuna hian additional DGP-in DGP mawhphurhna a la mek. Hetihlai hian tun dinhmunah Mizo zingah DGP tur an awm lo.

Police hotute hnen aṭanga thu dawn danin, Mizoram DGP hnuhnung ber, Thianghlima Pachuau chu Ministry of Home Affairs (MHA) chuan a cadre, Manipur-a kîr leh tura tihna order November 30, 2017-ah a tichhuak a, order hi Mizoram sorkar chuan December 1, 2017-ah a hmu. Thianghlima Pachuau hi a awmna thar turah ni 15 chhunga awm tura tih a ni angin, Manipur-a a hna thar zawm turin a kal a ni.


Mizoram sorkar chuan Thiang­hlima Pachuau hi Mizoram DGP-a awm leh turin MHA-ah dilna a thlen a, MHA Deputation Wing lam chuan Transfer Wing lamah a thawn a; engkim a fel tawh tura ngaih a nih hnuah Manipur sorkar lamin no objection certifcate an thawn tlai avangin, Mizoram sorkar dilna hi pawm a ni lo.

Vanglaini palai zawhna chhangin Police hotute chuan, DGP hi awm lo mah se, dan leh thupek kenkawh leh inrelbawlna kawngah harsatna a awm loh tur thu an sawi a, "Tunah hian MHA lamin DGP nghet an rawn dah dawn nge dawn lo kan hre lo. MHA lam thu a ni mai," an ti.


Hetih lai hian, tun dinhmunah Mizo zingah DGP kal chhuak ta Thianghlima Pachuau bak DGP hna chelh thei an awm lo a, a chelh thei hmasa ber tur David Lalrinsanga chuan tunah hian Delhi Police-ah Joint Commissioner (Nort East) hna a chelh mek.

Tun dinhunah Thianghlima Pachuau leh David Lalrinsanga te chiah hi Mizo zinga direct IPS awm chhun an ni a; David Lalrinsanga hi 1995 batch niin, kum 1995 hnuah, kum 22 chhung chu Mizo zingah direct-a IPS-a lut an awm tawh lo a ni. -Vanglaini

Post a Comment

Powered by Blogger.