cheural khua mizoramCheuràl khua, Lawngtlai district-a kum thar lawmna ruai á¹­hehtu zingah mi 150 chuang chu kawá¹­halo, luak, pum ná leh khawsikin an damlo a; Health department lama mithiamte'n an enkawl mek a, nimin thleng khan din­hmun hlauhthawnawma awm an la awm lo.

Cheural khaw ṭhenawm, Sangau aṭanga thu dawn danin, kum thar lawmna ruai ṭheh hnua harsatna tawktute hi Baptist Church of Mizoram, Cheural kohhrana mite an ni a; ruai atan hian vawksa leh arsa an buatsaih a, vawksa leh arsa ei zinga a zatve deuh thaw chuan harsatna an tâwk zui a ni.

January 3, Nilaini khan Sangau damdawi-in (PHC)-a medical officer Dr Diana Lian­hlupuii leh thawktu dang palite chuan Cheural an thleng a, Bualpui NG damdawi-in aá¹­angin nurse pahnih an kal bawk. Damlote chu Cheural community hall-ah enkawl an ni a, damlo zinga eng emaw zat chu drip-te khaisak an ni a, a á¹­ul angin damdawite pek an ni.

Damlo zinga pum náte chuan, englai pawhin an pum a na reng lo mah se, a ná a chhuah hun a awm ṭhin thu leh a ná a chhuah chuan tawrh hrehawm khawpa a nat ṭhin thu an sawi.

Sangau PHC medical officer Dr Diana Lianhlupuii chuan, Cheural khuaa kum thar lawmna ruai eitu damlote chu hrilêng kai ni loin, an ruai ei ṭhat loh (food poisoning) vang a nih thu a sawi. Cheural khawtlang hruaitute leh Cheural BCM kohhran hruaitute chuan, kum thar ruai atana an tui hmanah thil dik tâwk lo a awm a nih an rin thu an sawi bawk.

Cheural khuaa damlote hi doctor leh thawktu dangte'n an chàmchilh mek a; nimin lam khan Lunglei Civil Hospital-a medicine specialist Dr Lalrochama leh thawktu dangte an thleng ve leh a; BCM headquarters-a hotute ruahman angin, Christian Hospital, Serkawn aṭangin medical team-te an thleng tawh bawk a ni.

LADC executive member (Health) C Lallungmuana pawhin Cheural khuaa damlote chu January 3 vêk khan a tlawh a; damlote chu LADC sorkar aṭangin ṭanpuina, medical reimbursement an siamsak tur thu a sawi.-Vanglaini

Post a Comment

Powered by Blogger.