Haulawng khuaah Scrub Typhus a leng
Haulawng khua, Lunglei district-ah January 8 vel aṭang khan rannung seh natna (Scrub Typhus) a leng a, mi 78-in he natna hi an kai tawh a ni.
Thu dawn danin, he natna leng avanga damlote enkawl tur hian nimin khan Lunglei aṭangin doctor leh he natna veite zawng chhuaktu tur, technician-te tirh an ni a, an dinhmun enfiah tura inziak lut mi 163 zinga 89 chu nimin chawhnu thleng khan enfiah tawh an ni a, an zinga 45 chuan Scrub Typhus vei an ni tih hmuh chhuah a ni a, hemi hma hian mi dang 33 hmuhchhuah an lo ni tawh a ni.
He natna vei ṭhenkhat chu damdawi-inah enkawl an ni a, ṭhenkhat erwh anmahni in lama enkawl an ni.
He natna veite hian a tlangpuiin khawsik sang vak lo, khuh leh hritlang khawsik ang deuha damlo, ruh chuktuah na leh thawhah an nei a, a then chu ding chunga na ang chauhin an awm thung.
He natna vei enfiahna hmanrua, test kit hi pakhat Rs.400 man a ni a, Haulawng damdawi-in in an ngah tawk lo tih hriain bialtu MLA PC Lalthanliana'n 400 a thawn belh a ni. -Vanglaini
Post a Comment