MIZORAM LARSAP IN SIAHA DISTRICT A TLAWH

Mizoram Guv Visits Saiha District

Vawiin chawhma dar 9:30AM khan Copter hmangin Mizoram Larsap Pu  Nirbhay Sharma , Lt.Gen(Rtd) ,PVSM, UYSM, AVSM, VSM leh a nupui Pi Jyotsna Sharma te  chuan zanriakin Siaha District an tlawh.

His Excellency Governor of Mizoram Pu Nirbhay Sharma  hi Circuit House-ah Siaha District a sawmbik ten an lo hmuak a. Circuit House Multipurpose Hall-ah MADC leh Mizoram Sawrkar hnuaia Official te meeting a neihpui  nghal. He meeting-ah hian Siaha District Bawrhsap Pi Harleen Kaur IAS chuan “A brief Profile of Siaha District” tih thupui a hmangin Siaha District dinhmun  tawi kim takin Power point presentation hmangin   a  entir a. Pu MH.Tiabi, EM(LAD) pawhin MADC dinhmun tlangpui power point presentation hmangin a entir bawk.  Pu N.Zakhai  CEM, MADC  in “welcome Speech” sawina hun a hmang a, Pu Hiphei, Speaker Mizoram Legislative Assembly leh Dr.K.Beichhua, MLA te pawhin thusawina hun an hmang bawk a ni.


 Pu Nirbhay Sharma chuan Official te nena meeting a neihna-ah hian Siaha District hmasawn nana hmalakna kawng hrang hrangah MADC leh Mizoram sawrkar  hnuaia official te chuan information in share tawna, thawhhona tha tak neih chhunzawm zel turin a chah hlawm a, Sawrkar official te chuan zuk leh hmuam fihlimna kawngah mipui entawn tlaka nung tur kan ni, a ti. Larsap chuan  Siaha District  thalai te a tam thei ang bera Sipai a an tlin theih nan  thalai ten Sipai tling theih tura an inpuahchah a ngaih bakah CEM, DC leh SP ten thawhhona leh ruahmanna felfai tak neih turin a chah bawk.

Circuit House-a Sawrkar official te nena inkawmhona an neih zawh hian Larsap chuan  Government Saiha College-ah  Siaha District chhunga mi pawimawh sawmbik te leh  College zirlai naupang te nen programme an hmang bawk.  He hunah hian thu sawiin Larsap chuan Zirlai naupang te tana English leh Hindi thiam a pawimawh thu sawiin, Hindi hi khawvela tawng hman hnem ber 4-na a ni mek a. Zirlai naupang tan chuan Hindi leh English thiam hi hmasawnna rahbi pawimawh ber pakhat a ni, a ti. Zirlai naupang te chu Ruihtheih thil leh zuk leh hmuam-ah fihlim tlat turin a chah hlawm bawk.

Larsap hian  Government Saiha College a programme a hman zawhah District Civil Hospital leh  I.T.I. (Industrial Training Institute) a tlawh bawk a ni.

Larsap te nupa hi Pu Hiphei  Speaker, Dr.K.Beichhua MLA te bakah a Secretary, a PS  leh a ADC ten an tawiawm a ni.-DIPR

Post a comment

Powered by Blogger.