Hontrade Ṭhazual Fakna Pakhatna Jennie Lalruatfeli

A zawna pakhatna - Jennie Lalruatfeli

Jennie Lalruatfeli chuan Hontrade Ṭhazual Fakna chart-ah pakhatna a hauh leh a, a zawnin he dinhmun hi a luah ta a ni. Jennie hian 'Ka thinlung lawmna' tih hla a hlawhtlinpui mek a, fakna hla bika thlan hlawh ber a ni mek. 

Praise On 2015 aṭanga mipui hmaa inlan Jennie Lalruatfeli hian chart-ah hmun pawimawh a chang rei ta viau a, a mikhual lo hle. A tirah pakhatna hi a hauh nghal mai bik lo a, zawi zawia hma sawnin tun dinhmun hi a thleng ta a ni. Jennie hnuaiah hian Lalnunpuii Kawlni chu awmin, 'Ka enna' tih hla hmangin pahnihna a hauh. Pathumna chu Cindy, Arini leh Mapuii te an ni. 'Min hruai zel ang che' tih hla hmangin Thawhlehnaniropuia chuan pali-na a hauh a, a sang panga zingah R. Lalrinmawii (Arini) chu a lang bawk. 

Aizawl Venglai, Mika Group te chu a sang 10 zingah an tel leh a, Seraphic Choir leh Sawmtea te an lang ve bawk. Anni bakah hian Jordan lui tih hla satu H. Lalnunhluii leh Vanlalruata te hming a lang bawk. 

Hontrade Ṭhazual Fakna Top 10

1. Jennie Lalruatfeli - Ka thinlung lawmna 

2. Lalnunpuii Kawlni - Ka enna 

3. Cindy, Arini & Mapuii - An fak ning lawng 

4. Thawhlehnaniropuia - Min hruai zel ang che

5. R. Lalrinmawii - Krawsah khan

6. Aizawl Venglai, Mika Group - Krawsah chuan famkim i ni

7. H. Lalnunhluii - Jordan lui

8. Seraphic Choir - Min chawisang ṭhin 

9. Sawmtea - I fak zel ang

10. Vanlalruata - Ka lawm e

Source: Vanglaini