ZNP president Lalduhoma chuan nimin khan an party pisaa inkhawmah thu a sawi a, “Politics thu dik tluantling tâwk loa inbeihna titawp turin political party tin kan ṭanrual a ngai," a ti.
Lalduhoma chuan, thu belhchian dâwl lo, party politics-a inchirhthehna chu inthlan a hnaih a piangin a hluar lehzual tih sawiin, "Hei hian kohhrana rawngbawlna te, an hun kal zela an chhungkaw tan pawithei thilte dâwt hmanga inbeihna avangin a thleng thei. ZNP chauh ni loin, political party zawng zawng kan ṭanrual a ngai a, thu belhchian dâwl loa inbeihna titawp turin defamation case file zel hi party tinte kan ṭanrualna leh tih tur ni tain ka hria," a ti a; chu chuan Mizoram politics a tihfîm phah a beisei thu a sawi.
Tunlai hian sawhthing chingtute an mangang tak zet tih sawiin ZNP President chuan, "ZPM kan sorkar chuan kum thar tun ang hunah chuan sawhthing man man zawkin kan lei thei tawh dawn a ni,” a ti a; sawhthing chíngtute chu kuminah uar zawka chíng tura chahin, "Kumina a hralhna a ṭhat loh vanga la cho lote pawhin lo cho rih lo mai se la, kum tharah kut hnathawktute’n man man zawkin sawhthing an hralh thei tawh dawn a ni,” a ti bawk.-Vanglaini
Post a Comment