KTP General Conference theme song tlangzarh
West Phailenga neih tur 57th KTP General Conference 2018 atana Mizoram Synod Choir-te'n an sak theme song chu January 9, Thawhlehni zan khan tlangzarh a ni ta.
KTP General Conference hi March 1-4 chhung khian neih a ni dawn a, kawng hrang hrangin inbuatsaihna pawh ngawrh taka kalpui mek a ni. Tun ṭuma theme song tlangzarh hi hla pahnih a ni a, "Isua Chhinchhiahna" ti leh "Min Hruai Thin" tih niin, Central KṬP Leader Rev.Zothansanga'n chuan a tlangzarh a ni. Heng hlate hi local TV leh YouTube lamahte en theihin dah nghal a ni bawk.
Theme song video-ah hian a huhova lam dan turte tihlan a ni a, lam dan tur ruahmantute hi KTP Bawngkawn Branch member-te niin, video-ah pawh hian thiam taka an lam lai hmuh tur a awm a ni. Mimal lam bakah KTP branch thenkhatte leh Bial Zaipawl leh ṭhian zaho ṭhenkhat lam lai zeh tel a ni bawk.
Heng hlate hi Pu T. Laldintluanga, tuna Synod Choir member tanglai mek phuah a ni a, General Conference hlabu-ah pawh dah ve ve ani. Music video-te hi Mawitea Hauchhum (RDS Shots) leh Asanga Dosel Videography-te kutchhuak a ni. Audio record nan hian CTJ Recording Studio, Aizawl Venglai leh King's & Prophets Recording Studio, Ramhlun North-te hman a ni bawk.-Vanglaini
Post a Comment