Mizoram Volleyball Association chu nimin khan kumin chhunga a vawi khat an an ṭhukhawm a, season liam ta chhunga an hmalakna an thlirlet bakah kumin chhunga an hmachhawp tur an sawiho a ni.

MVA hnuaia inelna lian leh ngaihhlut ber Pro Volleyball League chu March 20 aṭanga buatsaih leh tura ruahman a ni a, heng bakah hian February thlaa neih tur Senior National Volleyball Championship-ah MVA Senior Women tirh nise an ti. 

February 20-23 chhung hian District Volleyball Tournament chu Lawngtlaiah buatsaih a ni dawn a, MVA hian April thla khian MINI National Volleyball Tournament MVA ( Mizoram) a thleng bawk ang.

MVA hian nikum chhung khan NE India Zone coach leh referee clinic an thleng a, Pro Volleyball League, Inter Village Volleyball Tournament, Inter District Volleyball Tournament, MVA Invitation Volleyball Tournament te bakah MVA Short Course coach examination a buatsaih a ni.-Vanglaini

Post a comment

Powered by Blogger.