Thu dik lo sawiah NIB Chairman puh

mizoram election political party prism mizoram
PRISM party chuan nimin khan thuchhuah siamin, January
4, Ningania NLUP Calendar tlangzarhnaa NLUP Implementing Board (NIB) JH Roṭhuama, MLA-in NLUP sum chungchang a sawi chu thu dik lo niin an tarlang a; kum thar hlima ram hruaituin thu dik lo a sawi nghal chu ṭha lo an tih thu leh sawifiah tura an phût thu an sawi.


JH Roṭhuama’n NLUP atan Central-in budget piah lamah cheng vbc. 3,000 deuh thaw a pe anga a sawi chu an hrethiam lo tih sawiin PRISM chuan, "Kan budget chhunga mi, scheme hrang hranga mi sum pawh khawm cheng vbc. 2,800 lai NLUP-a an hman kha kan hria a, mipui pawhin an hre vek a. Hemi bak hi budget páwn aṭangin vbc. 3,000 deuhthaw Central-in a pe a nih chuan khawiah nge pawisa a awm kan hre duh a, sawifiah ngei turin kan phût a ni," an ti.

PRISM chuan, NIB Chairman vêkin, NLUP an sem zel tur thu a sawi chu ṭha an tih loh thu sawiin, "Kan ram tichhe zawnga sum sem aiin kut hnathawktu tak takte an dinchhuah theih nan an thar chhuah mila lawmman pe zawk turin sorkar kan ngen a ni," an ti a; PRISM an sorkar chuan buha intodelh an tum avangin buh thartute hnenah lawmman, buh ṭin khatah Rs. 100 zel an pe dawn tih an tarlang bawk.-Vanglaini

Post a comment

Powered by Blogger.