Veteran Futsal champion 77 FC
MFA Veteran Futsal Tournament-ah 77 FC chuan champion turin February 22 zan khan Ditea's FC chu extra time-ah 5-4 a hnehin an champion.
R. Dengṭhuama Hall, Mualpuia inkhelah 77 FC hian David Lalremsanga leh R. Vanlalfela te goal hnih ve ve hmangin ṭum li hma an hruai a, Ditea's FC hian Lalthanpuia, Malsawmdawngliana, Lalhmingliana Chawngthu leh Joel Thangmawia te goal hmangin hun pangngaiah an sut.
Extra time hmangin chak zawk zawn a ngai a, Republic Vengthlang tlangval Fela chuan hattrick siamna leh champion-na goal a khung. 77 FC hian league round-ah Ditea's FC hi 7-4 in an hneh lo a, final-ah Fela hoin phuba an la ta a ni.
Veteran Futsal-ah hian match sarih khelh a ni a, goal 64 zet lutin 77 FC tana goal kua khungtu Republic Veng tlangval Adea chu top scorer a ni. Champion team hian Rs 5,000 leh Trophy an dawng a, pahnihna hian Rs 2,000 leh trophy an dawng ve bawk.
Final Thlirna Tawi
77 FC 5-4 Ditea's FC (a.e.t)
77 : David Lalremsanga 11', 34'; R. Vanlalfela 26', 41', 57'
DIT : Lalthanpuia 27'; Malsawmdawngliana 28'; Lalhmingliana Chawngthu 36'; Joel Thangmawia 46'
Post a Comment