MDM-in Mizo hla inphuahsiak buatsaih dawn

Music Domain Mizoram (MDM) chuan Mizo hla inphuahsiak a buatsaih dawn a, a duh a piang tan tel theih a ni ang. Lawmman pawh ṭha tawk tak siam a ni dawn. 
mdm Mizo Hla Inphuahsiak Buatsaih Dawn

MDM chuan tunlai hian mizo irawm chhuak hla tha, mawi leh hnam ro tur phuah chhuah a tlem tawh hle Snia sawiin, he lama ṭan lak thar leh nan hla inphuahsiak hi buatsaih an tum ta tih an sawi. He intihsiakna hmang hian hla ṭha leh hlu tak tak a lo chhuah belh an beisei a ni. Mizo Hla inphuahsiak 2018 hi Pu Vanhnuaithanga leh Pi Lalsangliani ten an fanu Christine Lalhlimpuii hriatreng nana an buatsaih a ni. 

Pathian hla leh Lengzem/Lenglawng-ah ṭhen a ni a, mi pakhat tan hla pakhat ve ve thehluh theih a ni ang. Lawmman hi inelna chi hnihah hian pakhatna ṭanga pathumna thleng siam ve ve a ni ang a, top 10 chinten consolation prize an dawng bawk ang. Pakhatna hian pawisa fai Rs. 10,000, Christine Lalhlimpuii trophy leh certificate a dawng ang. Hei bakah hian Lords Studio leh Jh Home studio-te chuan a thlawn vekin sound track an siam sak ang a, voice recording hi Studio A-16, Chanmari-te'n an tih sak dawn. MDM Library hmalakna in Milestone picture leh A&Z Entertainment -te chuan music video an siam sak dawn bawk a ni. Pahnihna leh pathumna te hian pawisa fai Rs 5,000 leh Rs 3,000 an dawn dawn bakah, Christine Lalhlimpuii trophy leh Certificate hlan an ni bawk ang. 

Intihsiakna a tana hriat tur pawimawhte:

  • Hla hi ruahthamloh a ni tur a ni.
  • Pathian fakna hla leh lenglawng/lengzemah te top 10 chin hnenah lawmman pek an ni ang.
  • Mi pakhat tan hla pakhat ve ve thehlut thei a ni.
  • Hla thuah hian indeusawhna, thu bawlhhlawh leh khawtlang duh loh thil telh a remchang lo vang.
  • Hla inphuahtawm an awm chuan chiang taka ziah lan tur a ni. 
  • Hla hi eng music instrument hmang pawha rem theih a ni tur a ni.
  • Aaudio hi mp3 file-a dah tur a ni a, a phuahtu hming leh address chiang taka tarlan tur. 
  • Hrechiang duh tan MDM Office, Bazar Bungkawnah office hun chhungin zawhfiah theih a ni a, Phone No. 7642806112-ah hian zawhfiah theih a ni bawk. 

Post a comment

Powered by Blogger.