MBDPF-in PM-ah memorandum an thlen
Mizoram Bru Displaced People Forum (MBDPF) chuan an president A Sawibunga hmingin February 3, Inrinni khan Tripura-a Bru relief camp-a an harsatna tawhte chungchangah prime minister Narendra Modi leh Home minister Rajnath Singh hnen memorandum an thawn.
MBDPF memorandum hi North Tripura district headquarters, Dharmanagar-ah kalin, district collector Sara Bhindu Chaudhury hnenah Prime Minister leh Home Minister hnena a thawn chhawn turin an pe a ni.
MBDPF chuan an memorandum-ah hian, Bru raltlante ṭanpuina sum pek ṭhin (cash dole) puitling tan ni khatah Rs. 5 leh naupang tan Rs. 2.50 chu July 2017 aṭanga an dawn tawh loh thu te, Bru relief camp hrang hrangah buhfai sem dan a mumal loh thu leh, a cháng chuan an quota a kim loa pek an nih ṭhin thute an tarlang.
Tripura sorkar chu Bru relief camp hrang hranga awmte leh inneih vanga mihring pung zel enfiaha chhinchhiahtir tura ngenna te, relief camp hrang hranga kum 18 tling chinte electoral roll-a thun vek an nih theihna tura hma la tura ngenna te, Mizorama hruai kîr an nih chuan chhung tin hnenah eizawnna atan ram acre 5 ṭheuh pe tura ngenna te, dah an nihna hmun/khuaah chhungkaw 500 aia tlem lo zela dah an phût thu te, chhawmdawlna sum Rs. 80,000 pek tura ruahman chu Rs. 1,00,000-ah tihpun an phût thute an ziak bawk.
-Vanglaini
-Vanglaini
Post a Comment