LUNGLEI DISTRICT TANGRUAL PAWL (ZPM) ATANGIN - ZEM (NEUTRAL PAWL) AN IN HNUK DAWK.

Thu dawn danin LUNGLEI ZPM hi a din tirh atangin nihna ah an buai nghal hle a, ZPM Steering Committee din a nih dawn tantirh hian MPC President Pu Lalrinzuala chuan ZNP President H Lalrinpuia (ZNP Member thenkhat in an duh loh) chu lengah sawmin hruaitu a an pahnih a an awm theih dan tur ruahmanna siamin an in kawm niin an sawi.

Lunglei District ZPM hruaitu tur atan a ansawm REV SANGVELA (BCM GS hlui) a lo chhuah hma kum 2017 a chairman lai lawk tur ZEM lamin an rawt chu MPC /ZNP president te pahnih hian duh loin ZPM Steering Committee a an party aiawh a thu te chu hminin inthlan an rawt thut a, MPC Vice president Pu Zokhuma chu chairman lai lawk ni tur hian an thlang tling ta a ni anti bawk.

Kum 2018 ah alo her chhuak ta a, chairman lai lawk term chu a lo zawh tawh tak avangin chairman thar tur atan Upa PC Hranghnuna (neutral) chu ZPM LUNGLEI OB STEERING COMMITTEE chuan lungrual takin an ruat a, Steering Committee a nem ngheh turin an dah ta a ni. Steering committee neih a nih hma chuan ZPM Chairman leh Working Comt chairman a an awm theih dan tur dapin MPC leh ZNP party President te chu in hmu leh in ruahmanna an siam leh ta a, ZPM steering committee a tel an party mi an hmin theih ang ang te hmin leh in Comt an han neih chuan ZPM OB COMT in Chairman atana an lo pawm tawh chu duh loin Party pahnih president leh an party member zinga thenkhat te chuan inthlan neih an rawt leh ta a, an inthlang ta a ni.

Chairman nihna khel ngar ngar a anpuh MPC President chu CHAIRMAN atan thlan tlin a ni ta a, A thurualpui ZNP president awmna tur Post Working chairman post chu ZPM comt neih a nih hmasa ber ah an create ta ani anti bawk.

MPC leh ZNP President te pahnih in vawi 2 lai mai an nihna duh avang a ZPM boruak an ti chhia chu kan lungawi thei lo anni tiin ZEM te hi an in hmukhawm ta a, an in hnuk dawk ta ni a hriat a ni.Kumin chhunga ZPM comt ah pawh vawikhat mah an kal lo a ni awm e.

REV Sangvela pawhin kohhran rawngbawlna chawlhsan a ram rawngbawl atumna chu heng thil mawi lo tak tak avang te hian a rilru thlakin, Pathian ram tan kohhran te rawngbawl zawm leh zel chu athlang leh ta zawk ani awm e.

Post a comment

Powered by Blogger.