David Z Hmar

mizo rimawi huangRimawi Huang: He band hi kum 1990 khan din ani a, cover band ang deuhin concert pawh vawi duailo an lo nei tawh a. Vanduaithlak takin an original keyboardist Maenga chuan an album buaipui lai vel hian chatuan ram alo pansan ta a. Maenga hian an album a hla pakhat "Beisei bo hnu" tih chiah hi a record ve hman ani.

An Manager chu Zauva (Lalthanzauva) niin ani hian concertna ah te hla 5 vel te a sa ve thin bawk a, mahse, vanduaithlak takin Zauva hian a boral san ve tawh bawk ani. (An manager chanchin pawh hi thui tak sawi tur a awm na a, hei hi duhtawk rih mai ila)

Maenga hi mimal tak pawh a kei leh Dreamhunter member dang te pawn kan ngainat leh kawmngeih tak, ti ti pawh inrual tak kan ni a, Dreamhunter album hmasa zawk ah pawh khan hla pahnih min hmehsak turin kan sawm a, min hmehsak nghe nghe ani. Ka hmuh hnuhnun ber chu Durtlang damdawiina a awm ka han kan kha ani a, ka haw tur kha min ngai deuh khan tukverh atangin thei leh theilo in a rawn dak thla tawk tawk a, ka han bye bye nghe nghe a, khati lai scene kha ka mitthla ah hian vawiin thleng hian nimin lawk ang maiin ala fiah tha a. Hemi tum damdawiin a, a awm ka han kan hnu ni reilo te ah chatuan ram a pan nghe nghe ani.


Albatross hian vocalist atan, zaithiam tak mai solo artist ang pawh a lar chho viau tawh, Rintea chu an la a. Rintea an lak hnu hian Mizo album hlawhtling tak mai, Mizo music scene a kan hriat reng tawh tur, "Albatross" tih chu kum 2000 khan an release a, he album ah hian hla 10 a awm a ni (instrumental pakhat tiamin).

Kum 2013 khan "Back On Track" tour neiin heng khawpui Kolasib, Lunglei leh Aizawl ah te an fans te tan concert an nei a, vawiin thlengin an la active reng a ni.

An hla ah eng ber nge ilo kurpui thin comment lamah insumkar lemlo in han inphawrh teh le.

Post a comment

Powered by Blogger.