AIZAWL-DELHI DIRECT FLIGHT JET AIRWAYS: Mizoram Youth Commission Chairman Pu Joseph Lalhimpuia, MLA chuan vawiin khan Lengpui Airportah Jet Airways Aizawl - Delhi Direct Flight hmasa ber tur chu a hawng.
Pu Joseph Lalhimpuia chuan Jet Airways in khualzin mite leh tulna dang neite tana Aizawl - Delhi Flight a siam chu lawmawm a tih thu a sawi a. Jet Airways ah hian Mizo thalaite chu hna tam zawk hmu thei turin inbuatsaih se a duh thu a sawi bawk.
Pu Joseph Lalhimpuia chuan Jet Airways hotutenena an inkawmnaah, Jet Airwaya a Mizo thalaite an luh tam chuan Mizote thinlungah Jet Airways ngainatna a lian anga, passenger a hip tam zawk tur thu te a sawipui a. Jet Airways hotute chuan pessenger ten mahni thlawh hun (flight timing) ngaipawimawh thin se an duhthu an sawi bawk a ni.
Aizawl - Delhi Direct Flight Ni leh Timing chu hetiang hi a ni :
1. Aizawl to Delhi 9W - 852 (Mon, Wed, Fri) Dep : 3:30 PM
2. Delhi to Aizawl 9W - 851 (Tue, Thu, Sat) Dep : 11:00 AM
-DIPR
Post a Comment