Contact Form

Name

Email *

Message *

Iklan

LSA TEN BAIRABI (ZOPHAI) TLAWH

ToMZ
16 Mar 2018, Friday, March 16, 2018 IST

PRESS RELEASEDt. 15.3.2018; Aizawl

LSA TEN BAIRABI (ZOPHAI) TLAWH

Nimin 14/3/2018; Khan Bairabi (Zophai) lama MZP tena Zofate chawlhbuk sak an tum lehna hmun chu boruak trang tak karah LSA ten kan zuk tlawh ve a, All Assam Students' Union (AASU) Hailakandi lam hruaitute leh Assam journalist te leh Zirlai members mi engemaw zat ten an rawn tlawh ve bawk a, an ni nen hian inkawmhona thra tak mai kan nei thei a, kan lawm khawp mai.

Assam Zirlaite leh Journalist te hnenah hian MZP chawlh buk sak tum chu kan thlawp tlat thu leh hei hi Assam Zirlai pawlte pawhin an thlawp ve kan beisei thu kan thlen bawk a, tin, remna leh muanna a awm theih nana hmalak duhtu chauh ni lova a hma latu tak tak ni tura kan beisei thu leh, chumi tura tan chuan MZP (an zirlai puite ) chunga Silai chelektute chunga demna thuchhuah leh dodalna te an lantir ngei kan beisei thute kan thlen bawk a, Chawlhbuk sak tumna hmun chu Mizoram ngei a nih zia chu Mizo leiltet awm ina a nemngheh thu te thiam tawkin kan hrilh ve bawk.

Chutih rualin Chawlhbuk hian ramchin chungchang a kawk ber lova, helai area a chengte leh khualzin veivakte tan pawha manhla tak a nih zawk dawn avang in, Assam zirlaite pawh in remna leh muanna an duh takzet chuan chawlhbuk sak chu an lo puih ve zawk kan beisei thute, a theih phei chuan an ram chinah chawlhbuk hi sa ve zawk se a lawmwm viau tur thute kan zuk thlen ve bawk.


Assam Police Dep't atangin DIG, D. Upadhaya pawhin helai hmun hi rawn thutchilhin boruak chet vel dan uluk takin a vil tih a hriat a, Assam Police te chet dan kan dem thu leh abik takin silai chelekna chungchanga mawh phurtute hrem ngei kan phut thu leh hun lo la awm lehzel turah hian eng ang buaina pawh lo thleng leh se Zirlaite chunga Silai chelek a nih leh chuan nghawng tha lo tak a neih tawh tur thute hrilh hriat a ni bawk.

MZP tena chawlhbuk sak an lo tumna hmunah hian tawngtaina nei in, AASU te pawh sawm an nih angin tawngtaina programme hi min telpui ve bawk a, tin Journalist te pawh tran lam nei lova, a nih ang taka helai issue hi puang thin turin kan ngen bawk. LSA flag, MZP ten Chawlhbuk sak an tumna hmuna zar kan tum erawh kan Police ten tlawmngai hram tura min ngen avangin kan tar lui bik ta lo.

Hemi hnu hian Bairabi lamah kir lehin CYLA lama kan thawhpuite nen MZP President leh a thawhpuite inkulhna hmunah han kalin thusawina tawite Pawl aiawhin President Tv. Lalchhuanlia'n a nei ve bawk a, MZP ten chawhlui min lo buatsaih sak chu puar taka ei in... Tlai Dar 3:30 Pm khan Bairabi chhuahsanin Tluang takin Aizawl kan lo thleng leh ta.

"For, God Our Country and Our nation"

"UNA VOCE"

Sd/-

LALPUILIANA THANGNGET
Secretary
Info&Publicity dep't
LSA General Hqrs; Lawngtlai.
Visitor's Voice

Click to Comment

No comments:

Mizo Nula Khal

+