TANPUI AN VA MAMAWH EM! - TIMES OF MIZORAM

Breaking

Home Top Ad

Post Top Ad

TANPUI AN VA MAMAWH EM!

TU MIN HRIATPUI LEM LOVIN KEINI NUFA HIAN NEW CAPITAL/SECRETARIAT WELFARE COMMITTEE RORELNA KAN TUAR.

(Indirect victim, Pi Lalchhandami ka kawmna ka rawn tarlang e.) 
Mariana Lalrindiki

Lalchhandami ka ni a, kum 25-na a hmang mek a ni. Ka pasal Malsawmzela nen hian 2011 khan kan in neih a, Pathian khawngaihna zarah fa hmasa atan fanu duhawm tak kan nei a, a ni hi tunah hian kum 6 mi a ni. A hnu kum thum hnuah phir kan nei a, an ni chu tunah hian kum 3 an ni.

Chutia hlim tak a chhungkua kan in din lai chuan, kan pa hian vanduaithlak takin min boral san thut a, keini nufa nun chu nasa takin thlak danglamin a awm ta a.

Kan pa in min boral san hnu chuan, keimah ang bawk a fa pakhat nei a hmeithai, ka laizawnnu nen chuan kan cheng ho ta a.

Ka laizawnnu hian in lamah naupang a lo kil khawm thin a, kei chu eizawngtu ah ţangin nitin hnathawkin ka chhuak ţhin a ni.

Hmeichhia, lehkha zir sang lem bawk si lo tan chuan hnathawh tur a vâng ţhin khawp mai a, ka mangang chuan Pi Hmangaihi hnenah ka tlu lut ta tawp a.

TANPUI AN VA MAMAWH EM!A ni chuan hmangaih takin min lo kuah a, New Capital Complex a an dawrah khan ka thawh awm tawk hna min siam sak a, nitin in Rs 200/- min hlawh tir thin a ni. Hei hi hian ka laizawnu te nufa leh keini nufa chuan innghahnan kan hmang ta a.

New Capital Welfare Committee in GAD lamah an hek avanga 07/03/2018 a JCB a an nawr chhiat tak kha, ka hnathawhna leh ka innghahna ber, U Nuteii (V.Lalnuntluangi), Pi Hmangaihi fanute dawr a ni.

He action an lakah hian hmethai leh farah tamtakin kan tuar tluang a ni.

Pi Hmangaihi hi hmeithai a nih avangin, kei leh ka laizawnnu dinhmun hi min hriatthiampui em em a, ka fate pawh min hmangaih sak avangin TUI an zawrhna lam min nghah tir mek a. Tui an hralh atanga keini nufa min kep hian engtham vak mah an la lut lo bik lovang tih chu hrereng mah i la, pan tur dang kan nei bawk si lo.

Tunah pawh an ni chhungkua pawhin an tuar a, he dawr hi an innghahna a ni a. Chutichung pawh chuan keini nufa hi an theih ang tawk tawkin min rawn la ngaihven a ni.

Heti te thut a kan eizawnna leh kan innghahna min tih chhiat sak hi hriatthiam harsa ka ti. Kan hmalam hun ngaihtuah hian mutmu pawh kan tuah thei ta lo. A hreawm ngawih ngawih, tih bak chuan sawi dan ka thiam tawh lo.

Engngetinge khin tlak loh, min khin a... Dawt a min puh le? Vantlang tan a hnawksak tur khawp a kan khawsak ka hre ngai si lo, Vantlang tan leh nunau tan a him lo tur khawp a khawsa thei tur dinhmun a ding pawh kan ni si lo.

Keini nufa za hian Pathian khawngaihna kan nghak tawp tawh. Tih leh ngaihna kan hre tawh lo. Tu min hriatpui lem lovin keini nufa hian New Capital/Welfare te rorelna hi kan tuar tlawk tlawk mai rih a ni e.

Tanpui thei kan awm takin ka lo suan lut ani e.

A TANPUI DUH TAN: 
Account Holder : Mrs Lalchhandami
Account Nos. : 20127304202
CIF Nos. : 86245451660
IFSC code. : SBIN0007059
BAWNGKAWN BRANCH, AIZAWL

Source: ES Laldanropuia

No comments:

Post a Comment

Post Bottom Ad