UPC-NEI GENERAL HQRS AH NGAIHDAM DILNAMar 12, Thawhtannia MZP kawngzawh huaihawtnaa UPC Kohhran hmuhsitna leh deuhsawhna lam hawi lehkha kengtu Isak Laltanpuia pa R. Vanlalruata chuan UPC-NEI General Hqrs, Mualpui Salem veng Aizawlah kalin ngaihdam dilna lehkha a thehlut.

UPC Hqrs Office ah hian ngaihdam dil turin Placard-kengtu Isak Laltanpuia, a pa Pu R. Vanlalruata leh an laina te pathum an kal a. UPC-NEI Hruaitute rawngbawlna hna tul thawka an zin chhuah lai a nih avangin Rev. R. Vanlalawia leh Office Staff thenkhat ten an lo dawng sawng.

Pu R. Vanlalruata te hian Tawngkaa ngaihdam dila thupha an chawi bakah General Suptd hnenah ngaihdam dilna lehkha an thehlut a ni. He thilthleng chungchangah hian UPC kohhran hminga FIR thehluh a nih loh avangin Kohhran hmangaihna avanga pen chhuak Tirhkoh leh Upa te hnena ngenna siam turin General Hqrs thawktute hian an lo hrilh. Hetiang case hi IPC sec 153 hmanga kum 3 tantir theih ani

Social media leh a theihna kawng hrang hranga UPC kohhran hmuhsitna leh diriamna hluar ta em em chuan Kohhran mite thinlung a hliam nasa hle a. Hetianga Pathian Kohhran hmuhsitna leh diriamna thil thleng chungchangah hian Pathian kohhran venhimna tura a theih ang anga Kohhran hmangaihtute penchhuah zel an duh thute an lo hrilh bawk a ni.

UPC (NEI) hi Mizoram Sawrkar a in register Kohhran 73 zingah Tam lam ah Pathumna an ni mek ani.

Source: Jruata Khiangte

Post a comment

Powered by Blogger.