Zoramthanga Ex-C.M. of Mizoram Leh MNF President Chanchin

Zoramthanga chu ni 13 July 1944 khan a lo piang a. Mizoram Chief Minister pangana a ni. Mizo National Front(MNF) movement hun laia an hruaitu Pu Laldenga dawttu a ni . MNF chu recognised political party a nih hnuah Party hruaitu a ni ta a ni. Kum 1987 ah Mizoram Legislative Assembly a zawm a, Finance leh Education minister a ni ta a ni. A party Mizo National Front chu 2008 Assembly elections khan Indian National Congress lakah a chak ta lo va. Zoramthanga hi North leh South Champhai ah a ding a, mahse, a tla ta ve ve a ni. Tichuan, sawrkar dan angin, a banna (resignation) chu Governor MM Lakhera hnenah ni 8 December 2008 ah a theh lut a, a ni 3 hnuah a office a chhuahsan ta a ni. 

Childhood:

Zoramthanga hi Darphunga leh Vanhnuaichhingi te fapa a ni a, unau 8 an ni a, an zinga a naupang ber dawttu a ni. He has five brothers and three sisters. Ni 13 July 1944 khan Samthang khuaah a piang a ni.

Education

Zoramthanga chu primary school kum 1950 ah a kal tan a. 1954 khan middle school South Khawbung ah a kal leh a, kum 1956 ah standard six a zo va. Kum 1957 khan Champhai Gandhi Memorial High School ah standard seven a zir leh ta a ni. high school Champhai atangin 1960 khan a zo leh ta a ni. college chu D.M. College,Manipur atangin a zir chhuak thung a ni.

Political Party ding hmasa

Mizorama Party hmasa ber Mizo Common People's Union chu ni 9 April 1946 khan din a ni a. A hnuah a hming hi 'Mizo Union' tiithlak a ni.

Zoramthanga Politics lam a hawi ta:

Kum 1959 ah Mautam tam (Mautam Famine) a rawn thleng a, tichuan, chuta tam tuarte tanpui tur chuan, organisation hrang hrang a lo piang nghal ta thluah thluah a. Kum 1955 tir lamah, Mizo Cultural Society chu din a ni ve ta a, Laldenga chu an secretary a ni a. hei pawh hi a hnuah hming dang vuahin, 'Mautam Front' an ti ta a ni. Hun a lo kal zel a, he pawl hi a lar ta phian mai a, September 1960 ah 'Mizo National Famine Front (MNFF)' tiin an thlak leh a. A hnu ni 22 october 1961-ah 'Mizo National Front (MNF)' tiin an thlak ta a ni. Laldenga chu an hruaitu (Leader) a ni a. he pawl hi Mizoramin independence hmu ngei rawh se tih duh vanga din a ni. 

Tichuan, chutia an phutna leh sawrkar an nawrnate chu India sawrkar chuan a ngai thei ta lo va, Vai sipai rawn tirin, MNF te chu an rawn suat vak ta thin a, a chang phei chuan nula leh nute pawh kutthlakin an pawngsual (rape) vak thin a ni. Hetih hun laia India ram Prime Minister (P.M) chu Indira Gandhi a ni a. Mizoram hi Union Territory ah ni 21 January 1972 ah dah a ni. tichuan, Indian Parliament-ah Mizoram chuan seat hnih a nei ta a ni. Mizoram hi India awpbeh a ni thin a, chuvangin, Mizo mi thiam hmasaten zalenna an phut a ni ber (chu chu Underground) ho thiltum a ni. India lahin an phal si lo va, an inkap ta vak thin a ni. Mizoram tihlungawi nan Mizoram chu Union Territory-ahte an dah a. Mahse, an lungawi thei tak tak chuang lo va. Ni 30 June 1986-ah Mizoram leh India chuan Peace Accord (inremna) an siam ta a, Mizoram chuan ni 20 February 1987-ah State nihna (statehood) a nei ta a. Tichuan, Mizoram chu an lungawi ta a ni. chutih lai vel chuan India Prime minister chu Rajiv Gandhi a ni.

Mizo Freedom Movement awm tan kum 1966 ah, Zoramthanga chuan underground movement a zawm a,tichuan, ramhnuaiah a kal ve ta a ni. Run Bung Area-ah secretary hna chelhtir a ni, kum thum chhung a thawk a. Kum 1969 khan, MNF sipai zawng zawngte chu East Pakistan (tunah chuan Bangladesh) ah an kal/raltlan ta a ni. Hetih laia an President,Pu Laldenga chuan a Secretary-ah a lo la ta a. 

Thawkkhat lai khan, India sawrkar hlauvin, Ram dangah Pu Laldengate nupa nen an raltlan a. chu an va kalna ram hnenah chuan Sawrkar tanpuina (Political Asylum) a va dil a, anni chuan an lo remti a, sawrkar chuan a chawm ta a. chutah, Zoramthanga tawng theih luatah, sawrkar aiawh ten, a tawng thei em mai, kan hua, kan be peih lo, hmuh pawh kan hmu peih tawh lo. pawisa pe tur che u in kan rawn kal dawn, Zoramthanga kha lo awm ve tawh suh se an ti a. chu tak mai chu anni tan remchang a lo ni a. chutia an hmuh duh tak lovah chuan, Laldenga chuan Europe-ah mi pawimawh hmu turin Zoramthanga chu a tir bo ta a. Anni sawrkar lam pawhin khaw nge zoramthanga a awm tiin an zawt duh hek lo. Zawt ni ta palh vaih se chu, an che buai viau dawn a ni. He an raltlanna ram sawrkar hriat loh hian arukin thil pawimawh an tih a ngai si a ni. Zoramthanga europe a va kal chuan thil tam tak tiin, harsatna pawh a tawk nasa hle a ni. chuta a va kal chuan, India Palai nen an va inbia a, Mizoram leader nena inbiak dan tur thu an tiam ta a. chumi hnu chuan India ram chhung ngeiah An inbe ta a. chuta an inbiak remna tang chuan Mizoram leh India chuan Inremna (Accord) an siam ta a ni.

Kum 1979 ah Zoramthanga chu Vice President nihna an hlan ve leh a. kum 1987-a Pu Laldenga ho va Mizo National Front din a nih khan Finance and Education departments a chelh ta a ni. Kum 1990-ah Pu Laldenga a thi ta a, tichuan Pu Zoramthanga chu MNF President a ni ta a ni. Kum 1998 kum tawpah assembly elections neih a ni a, MNF chu an chak ta a. Mizoram Chief Minister pangana a ni ta a ni. A hnu kum 2003 khan thlan nawn a ni leh a. C.M atangin 2008 Assembly elections-ah a tla ta a ni. 2013 election-ah pawh khan nasa taka hneh an ni leh a ni. Tunah hian chief minister hlui Pu Zoramthanga hi Ramhlun Venglai, Aizawl-ah a cheng a ni.

Source: Click Here