PRESS RELEASE
Ni 23.4.2018 (Thawhtanni) ah MNF Sub Hqrs Lunglei chhung inkhawm neih a ni a,Pu Lalnunzira Pachuau,General Secretary,Information & Publicity in thu a sawi.
Pu Lalnunzira chuan, " Kumin MLA Election ah hian Pathian leh Mipuite zarah sawrkarna kan chang ngei dawnin a lang a,MNF sawrkar chuan Congress sawrkar avanga kan ramin chhiatna leh harsatna chi hrang hrang kan tawh mekte ti tawp turin hma a la nghal dawn a,kohran leh NGO te duh loh Zu zawrh kan ti tawp dawn a,School tan hma avang a nu leh pa tam tak te harsatna pawh ennawnin, a hma a mi anga kalpui leh tum a ni dawn a,Lirthei neitute atanga Road Tax kum 15 atana lak te hi kan ennawn dawn a ni tih hi ka sawi duh a, Mizo te hi thil hre rei theilo tak kan ni a,Congress sawrkar in Mizoram sum leh pai te,an duh dan dan a an suamsam avanga harsatna kan tawh zawng zawng te hi i hre reng ang u.
Sawrkar hnathawk te ngei pawhin an mahni sum an dah khawl,an GP Fund pawh damlohna thil avangte pawhin an la chhuak thei lova,a thei chhun te pawh in a dil ang an hmu thei lo va,zirtirtute lah chu hlawh lak mumal theih loh avangin an buai em em hlawm a,zoram mipuite manganga kan rum lai hian Congress Minister leh MLA te erawh chuan hrehawm reng reng hre lovin nuam an tawl mek a nih hi.Congress MLA te bial bik a NLUP chhungkaw zali te hnen a pek an tum bik te hi a Kristian lo in a Mizo lo tak meuh meuh a ni.
Enga ti nge 2016/2017 ah te pawh sem duh si lo,tun ataka Chief Minister Housing Scheme cheng singnga sem an han ti thar leh te hian Vote lei na hmanrua,Lalna leh Thuneihna ringawt chan tum party an ni tih a chiang hle a ni" a ti.kum 2018 election ah hian Congress hi sawrkar leh ta se Mizo mipui te chan chu a rapthlak tawh khawp ang.Ram rorelna a dik tawh loh a vangin Mizote rilru leh ngaihtuah na pawh hi a tha tawh lo em em a ni.
MNF Sub Hqrs Lunglei President Pu Lawmawma Tochhawng pawhin, " Kan hrawn mek Congress sawrkar ah hi chuan, Eirukna,Rorelna mumallote hi nunphung pangngai ah an chang chho mek a ni.
Tun hnaia kan hriat theuh chu CADC a Congress sawrkar chu eirukna leh hlemhletna avangin a kal mumal thei lova, chakma zirlaite ngei pawhin an Council kaldan tenawm lutuk avangin lungawi lohna an lantir a,an CEM pawh tum 3/4 lai an inthlak a,rorelna a kal mumal theih loh avangin CADC chu *Governor's Rule* ah hial dah a ni a, chutiang taka fello an ni chung chuan ,Mizoram Congress Sawrkar chuan CADC chu zilhhau a hnehin, "tuna Congress CADC hi an felin an tha a ni, tiin an tlin leh ngei theih nan cheng Vaibelchhe tel tak meuh sengin, Minister Zodintluanga, PC.Lalthanliana, Vanlalawmpuii, bakah Nihar Kanti Chakma, Chalrosanga, Joseph Lalhimpuia, te bakah Speaker Pu Hipheia leh Chief Minister Pu Lalthanhawla hovin, rorelna diklo tundin leh tumin theihtawpin an zuk campaign pui leh a ni a,hetianga Congress sawrkar chet dan atang hian Mizoram atanga Corruption umbo leh rorelna dik siam an tum loh zia hi a lang chiang hle a ni.
Pukpui -to-Tlawng kawng siam mek, cheng tam tak sen ral tawhna lah chu Pu Joseph Lalhimpuia leh a thiante chuan, "fur khat pawh daih lo tur,leimin emaw avanga chhe leh mai tur' ni in an hmu a,an ngaihdan pawh an sawi lang a, _(Ref..Zunzam news paper 23.4.2018 issue)_ .Cheng Vaibelchhe tam tak sen ral a nih hma khan enga ti nge uluk taka an zir loh?
MNF sawrkar laia he lai kawng siam zawh a nih khan cheng tam tak sen ral a ni a,mahse kum 6/7 vel zet kha MNF Sawrkar kutthlak khan a daih a nih kha.
Cheng Vaibelchhe tam tak seng a kum 2/3 em daih tur pawha he lai kawng hi an siam thei lo a nih chuan, a siam thiam leh siam theitu MNF sawrkar kutah hian dah mai se,zoram mipuite tan a chhenfakawm zawk hle ang," a ti bawk.
MNF Sub Hqrs Lunglei chhung inkhawm hi Pu R.Thanzauvan kaihhruaiin Pu K.Vanlaldika'n hunserh a hmang a, Party thil avanga zinchhuak mi 3 ten an zin report an pe bawk a,Chakma zingah pawh Congress sawrkar duhlona boruak a lian hle niin report petuten an sawi.
"Pathian leh kan Ram tan"
Sd/
(VANLALPEKA NGENTE)
Secretary.
Info &Publ Dept.
MNF Sub Hqrs,Lunglei.
Dated Lunglei, the 23.4.2018.
Post a Comment