David Sailo

1. ZÛ -
Khawpui leh District Capital ah phalna neiin an zuar tlangpui a, Thingtlang(Sub-Division) ni pha lo chinah chuan an zuar ve lo. Mahse zu hi kan zuar zel dawn a nih chuan kan kalpui dan hi a Fair lo.


ZU INTE 
PETROL LEH ZÛ VETHUNGZu inmite hi khawpuiah chauh an awm lova, thingtlangah pawh an awm ve vek a, an tan zu dawr pan ve tur a awm lo thung. Aizawl kal remchangte chah a, an Sumo Fair etc pek belh a lei a ngai thin. Khawpuiah pawh hian Kohhran Țhalai hruaitu thenkhat te, JAC hruaitu leh YMA hruaitu țhenkhat a ruka in an awm nual a, heng mite hian Zu dawra zu lei an duh lo. Eng tin tin emaw an nei țhin a, zu zuar chhawngte nen a ruk takin inzawmna nghet tak an nei lawi a, khawtlangin zu a Check dawna a zuar ten an lo hriat lawk fo thin na chhan hi heng ho vang hi a ni.

BLACK A ZU ZUAR TE 
An khua/vengah lei duh an tam sia, an chah sup sup a, Zu Card ah tam tak a lei theih si loh a, Zu dawrah chuan Card hawh theih tur chi an lo țhutpui a, hawh man chawiin Card tam takin an lei chhuak a, chu chu inthlahrung takin an inah tlem a zawng hlep neiin an hralh chhuak leh thin. Heng ho hian phalna an nei lo mahse an khua leh vengah inmi an tama mamawhna a sanga, hralh a lo har bawk si lova an zuar ta mai niin a lang. Khawtlang duh loh hi kan ti fova, an duh lutuk a, an in chan lo zawk a ni. Khawtlang hruaitute duh loh tih hian a fiah zawk. An khua atanga zu dawr pan tur chuan cheng tam tak an sen a ngai a ni.

MIZO LOCAL ZÛ
Ualau taka zû kan zawrh hnu ah pawh Rangvamual leh Phunchawng chu a țhingțhup tawh ang tih nak alaiin zan reh pawh awm lovin a la lun hle. A chhan chu Mizo Local zu duhzawk tam tak an awm a, an thlah chuang lo. Sap zu țha chi hrang hrang a awm laia heti taka kan tual chher zu kan ngaisang hi kan fakawm ngawt zawk mai. Man rêm sak tum ringawt lo hian a siam dan hi in tlak tak tak a ni em tih te, zuar chhuah tlaka buatsaih ve mai hi a tih chi zawk em tih hi ngaihtuah a hun.

2. PETROL -
Petrol pawh hi zû ang deuh chiah bawk a ni.

PETROL LEH ZÛ VETHUNGLirthei a pung a, khawtinah Petrol mamawh a ni tawh. Mahse dan ang chuan Pump ah bak zawrh phal a ni lo. Dan anga kal tur chuan thingtlang khawtin chawm phak leh ban phaka Pump kan siam a ngai. Black a zuarte chuan bur lian tak tak engngemawzat dawhin Pump ah an lei a,an khua/vengah an zuar chhawng thin. Zu zuar angin check an hlawh ve lova, dan phal loh thil ti em em ah pawh an in ngai lem lo.

Khaw/veng kar kawngah Petrol a zawhin an tangkaiin harsatna tawkte tan an hlu hle thin. Pump te hi zan lama hawng an awm meuh lova, zana zin thut ngai leh Emergency ah pawh an tangkai khawp mai. Dan phal loh nisi 'Petrol a awm e' tih kan tar fer fur a, MIZOFED Pump sirah chuan dan phal si lohin an intlar tuar a, khualzin tan pawh Pump bul maia hetiang dan lova zuar an awm nasa hi thil mak leh hmuhtir inthlahrun awm tak, hmun danga hmuhtur awm mang lo a ni.

RAWTNA -

1. Zu hi Aizawl vengtinah pakhat tal Black a zuar tur phalsak law law nise, an zawrhna man tur pawh bituk sak theuh nise. Hetiang hian Wine Shop awm ve lohna thingtlang khua ah pawh hian phalna nei a zawrh chhawn tir law law nise, zu dawr lamah pawh tam zawk an lak theih nan a bikin Card siamsak nise.

2. Petrol pawh hetiang chiah hian khawtin leh khawpui veng tinah hian pakhat tal phalna neia zawrh chhawn tir nise, a man bituk sak vek ni bawk se. Petrol Pump neitute pawhin heng ho bak hi bur dawh tir tawh lo se. Hriat hran an nih theih nan Permit engemaw pek nise.

3. Mizo siam Zu vawiin thlenga awmze neia buaipui a ni ve miah lo leh man rem kan tum reng ringawt hian hun leh tha a heh viau zawk a, a duh leh ngaisang zawk a inmite zingah an awm hi lawm zawk a phur taka hei aia changkang zawka phochhuah dan ngaihtuah a hun tawh hle. Goa ah chuan an Local 'Fenny' chu an chhuang hle zawk.

4. Kan zawm theih loh leh kan kenkawh theih loh dan, min ti mualpho fo tu ni zawk thin hi kan zawm theih tur leh țangkai dan zawk zawnchhuah a, her rem hi a ngai tak zet zawk a ni.

Post a comment

Powered by Blogger.