MIDANG TANA NUN HLANTU HI I TANPUI VE DAWN LAWM NI?

May 16, 2018, MSR: Zoram khawvel nghawng, Mizo mipuite'na kan lainat em em, thla hmasa April ni 13 zan dar 9 vel a midang chhanna'na nun hlantu, Pu C. Rodinsanga [Sanga] kha kan la theihnghilh kher awm love.

Kan hriat theuh ang in Pu Rodinsanga leh a thianpa, Kaitea te thiandun, Aizawl Electric veng atanga chhinga veng haw tur chuan V. Lalliana building bulah Lalruatpuia s/o J.Malsawma'n putar pakhat rekbet a, chemte a a tin chu an hmu a. Hei hi Sanga chuan hmu theiloin putar chu a va chhan a. Misual chuan putar chu thlahin Sanga chu hmun tamtakah a vit anih kha.

Mizo pa tha leh tlawmngai, Pu Rodinsanga chu rang takin Civil Hospitalah hruai nghal a ni a, mahse vanduaithlak takin a hliam hi alo nat deuh avangin damdawiin an thlen hian a hliam tuar lovin a boral ta a ni.

Pu C. Rodinsanga hian a nupui leh fanu leh fapa pahnih a kalsan a, an fate ber hi kum 7 mi a ni.

An chhungkua hi Chhinga vengthlangah Pu, J. Lalkima inhnuai luah an ni a, an nu hi New market-ah seat pawh nei hran loin a thu ve thin a, amah Pu Rodinsanga hi a rem rem thawk a eizawng thin a ni a. Hetia pa ber a boral takah chuan an nufa tan hian eizawn a awlsam lo hle a, tunah hian an fanu pakhat phei chu school a chawl hial a ni.

Heti ang a midangte nun chhannana mahni nunna hial pawh hlan ngam nupui fanaute harsa taka awm mek te theihtawp chhuah tanpuia, dawm kan ve hi Mizo mipuite hian kan bat leh kan mawhphurhnaah kan ngai ngam ve dawn lawm ni?

Anmahni ral duh tan:

Vanlalchhungi d/o Nunhleithanga

Chhinga Veng Y3/7

SBI AC No.: 20198174607

Contact: 9862913914

—Dave Chhakchhuak