Aizawl Press Club on 17.5.2018 - 11: 00 AM.
PU LALTHANHAWLA'N DAWT A SAWI
Kumin 2018 hi Mizoram rorelna khawla ṭhu tur inthlan neih hun a lo ni leh ta a. Chumi atan inbuatsaihnaah chuan Party tinten ṭhahnem an ngai tlang hle a. Mi ṭhenkhat dawt pawisa loten Mizoram Hnam tana an nunna hlu tak hlana Martarte leh Ram leh Hnam chhan nana hrehawm tinreng lo tuartute chu thudik lo leh belhchian dawl lo hmangin a chhe thei ang berin min chhuah a. Thangtharten misual rual leh pawisak nei lo ang maia min ngaih theihna turin, Zalenna sual lai leh a kaihhnawih chanchin thudik lo tak taka an vawrhdarh ṭhin hi keini Ex-MNA Association chuan pawi kan ti takzet a ni.
May ni 11.2018 (Zirtawpni)-a Congress Bhavan-a Political Session-ah Chief Minister Pu Lalthanhawla’n Mizo Hnam Sipaite chu bum chhuah mai ni angin min chhuah a, chubâkah “Pu Hawl, Rawtuai hâkin kan thi ṭep a, kekawrte mawngṭet lo chu hak tur pawh kan nei tawh lo, khawngaih takin cheng nuai 6 tal min pe thei em tiin min dil a, ka lo pe a ni,” a tih hi dawt chiang tak a ni. Mizoram tan Zalenna sual tura mahni in leh lo kan chhuahsan dawn khan tumahin min sawmin min thlem lova, tumahin min bum hek lo. Mahni in-volunteer-a chhuak kan ni.
Pu Lalthanhawla hian, tuinnge hetiang ṭawngkam hmang hian a hnenah pawisa dil a. Tu hnenah nge a pek? Tih hi Mizoram mipuite hriata min chhang ngei turin kan phut a ni. Document a nei a nih chuan mipui hmuh turin phawrh chhuak ngei rawh se.
Amah Pu Lalthanhawla zawk hian, Chief Minister ṭhutthlenga a ṭhut theih nan, London thleng thlengin Pu Laldenga hnenah a dil zawk a nih kha. Chief Minister meuh hian Mizo mipuite dawt a hrilh fo leh, Keini Ex-MNA-te min hmusit taka a ṭawng fo hi sim ngei tawh turin kan hriattir nghal e.
Post a Comment